1کُرِنتھِیوں 6:7 - کِتاب مُقدّس سرائیکی ترجمہ

⁷ اصل ءچ تُہاڈی وڈی غلطی ایہ ہے جو تُساں آپس ءچ مقدمہ بازی کریندے ہیوے۔ کیا اِیں تُوں ظلم برداشت کرݨ چنگا نئیں؟ کیا اِیں تُوں نُقصان قبول کرݨ چنگا نئیں؟

1کُرِنتھِیوں 6:7 Referans Kwoze

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

1تھِسّلُنیکیوں 5:15

خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

لُوقا 6:29

جے کوئی تیڈی ہِک گَلھ اُتے چاٹ مارے تاں ڈُوجھی وی اُوندے پاسُوں پھیر ڈے۔ تے جیہڑا تیڈا چولا گِھننڑ چاہوے، اُونکُوں جُبّہ گِھننڑ کنُوں وی نہ روک۔

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“