1کُرِنتھِیوں 6:15 - کِتاب مُقدّس سرائیکی ترجمہ

¹⁵ کیا تُساں نئیں جانڑدے جو تُہاڈے بدن مسیح دے اَنگ ہِن؟ کیا مَیں مسیح دے انگاں کُوں گِھن تے کہیں طوائف نال جوڑ ڈیواں؟ ہرگز نئیں!

1کُرِنتھِیوں 6:15 Referans Kwoze

اِفِسیوں 5:30

کیوں جو اساں اُوندے بدن دے اَنگ ہیں۔ [جِینویں کلام ءچ لِکھیا ہے]

رومیوں 12:5

اُونویں ای بھانویں اساں بہُوں سارے ہیں، وَل وی مسیح ءچ شامل تھی تے ہِک جِسم ہیں تے آپس ءچ ہِک ڈُوجھے دے اَنگ۔

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

1کُرِنتھِیوں 11:3

پر مَیں چاہندا ہاں جو تُساں ایہ وی جاݨ گِھنو جو ہر مرد دا سر مسیح ہے تے عورت دا سر مرد ہے تے مسیح دا سر خُدا ہے۔

1کُرِنتھِیوں 6:19

کیا تُساں نئیں جانڑدے جو تُہاڈا بدن رُوح القُدس دی ہیکل ہے جیہڑا تُہاڈے ءچ وسدے تے جیہڑا تُہاکُوں خُدا دی طرفوں مِلے؟ تُساں آپنڑے مالک نئیں

اِفِسیوں 5:23

کیوں جو پایا ذال دا سر ہے، جِینویں مسیح آپنڑے بدن یعنی کلیسیا دا سر ہے تے اُوہو اُوندا نجات ڈیوݨ آلا ہے۔

لُوقا 20:16

او آ تے اُنہاں ٹھیکیداراں کُوں ہلاک کریسی تے انگُوراں دا باغ ڈُوجھیاں دے حوالے کر ڈیسی۔“ لوکاں سُنڑ تے آکھیا، ”خُدا نہ کرے۔“

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

گلتِیوں 3:21

تاں کیا شریعت خُدا دے وعدے دے خلاف ہے؟ ہرگز نئیں! کیوں جو جے کوئی ایجھی شریعت ڈِتی ویندی جیہڑی زندگی بخش سگدی تاں راستبازی شریعت دے ذریعے حاصل تھیندی۔

گلتِیوں 2:17

پر اساں جیہڑے مسیح ءچ راستباز تھیوݨ چاہندے ہیں، جے خود ای گُنہگار نِکلُوں تاں کیا مسیح گُناہ دا سبب ہے؟ ہرگز نئیں!

1کُرِنتھِیوں 6:13

بےشک ”کھانڑا پیٹ کیتے تے پیٹ کھانڑے کیتے ہے تے خُدا اِنہاں ڈُوہائیں کُوں ختم کر ڈیسی۔“ پر بدن حرام کاری کیتے نئیں بلکہ خُداوند کیتے ہے تے اُوہو اُوندا مالک ہے۔

رومیوں 7:13

تاں کیا اُوہو چیز جیہڑی چنگی ہے میڈے کیتے موت بنڑ گئی؟ ہرگز نئیں بلکہ گُناہ ہِک چنگی چیز کنُوں فائدہ چا تے میڈی موت دی وجہ بنڑ گِیا تاں جو گُناہ دی اصلیّت ظاہر تھی ونجے تے حُکم دے ذریعے گُناہ حد تُوں زیادہ مکرُوہ معلوم تھیوے۔

رومیوں 7:7

بس اساں کیا آکھوں؟ کیا شریعت گُناہ ہے؟ ہرگز نئیں بلکہ جے شریعت نہ ہوندی تاں میکُوں گُناہ دا پتہ نہ لگدا۔ مثلاً جے شریعت ایہ نہ آدھی جو ”تُوں لالچ نہ کر“ تاں میکُوں لالچ دا پتہ نہ چلدا۔

رومیوں 6:15

وَل کیا کرُوں؟ کیا اساں اِیں واسطے گُناہ کریندے راہوں جو اساں شریعت دے ماتحت نئیں بلکہ فضل دے ماتحت ہیں؟ ہرگز نئیں۔

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

رومیوں 3:6

ہرگز نئیں۔ جے اِینویں تھیوے تاں خُدا دُنیا دا اِنصاف کِینویں کریسی؟

1کُرِنتھِیوں 6:3

کیا تُساں نئیں جانڑدے جو اساں فرشتیاں دا اِنصاف کریسوں؟ تاں کیا اساں اِیں دُنیا دے معاملات دا فیصلہ نئیں کر سگدے؟

1کُرِنتھِیوں 6:17

پر جیہڑا آپنڑے آپ کُوں خُداوند نال جوڑ ڈیندے او رُوحانی طور تے اُوندے نال ہِک تھی ویندے۔