1کُرِنتھِیوں 6:12 - کِتاب مُقدّس سرائیکی ترجمہ

¹² ”سبھ چیزاں میڈے کیتے جائز ہِن“ پر سبھ چیزاں فائدہ مند نئیں۔ سبھ چیزاں میڈے کیتے جائز تاں ہِن پر مَیں کہیں چیز دا غُلام نہ بنڑساں۔

1کُرِنتھِیوں 6:12 Referans Kwoze

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

2تھِسّلُنیکیوں 3:9

اِیں واسطے نئیں جو ساڈا تُہاڈے اُتے کوئی حق نہ ہا بلکہ اِیں واسطے جو ایجھا نمونہ پیش کرُوں جیندے اُتے تُساں چل سگو۔

یہُوداہ 1:12

ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔

1کُرِنتھِیوں 8:4

بُتاں دیاں قُربانیاں دا گوشت کھاوݨ دے بارے ءچ اساں جانڑدے ہیں جو دُنیا ءچ بُتاں دی حقیقت بالکل نئیں۔ خُدا ہِک ہے تے اُوندے علاوہ کوئی معبُود نئیں۔

رومیوں 7:14

اساں جانڑدے ہیں جو شریعت ہِک رُوحانی چیز ہے پر مَیں جِسمانی ہاں تے گُناہ دی غُلامی ءچ وِک گِیا ہاں۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

یُوحنّا 5:10

بس یہُودی اُوں بندے کُوں جیہڑا ٹھیک تھی گِیا ہا آکھنڑ لگے جو ”اَج سبت دا ڈینہہ ہے، تیکُوں تیڈا بسترا چا تے ٹُرݨ پِھرݨ جائز نئیں۔“