1کُرِنتھِیوں 6:11 - کِتاب مُقدّس سرائیکی ترجمہ

¹¹ تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

1کُرِنتھِیوں 6:11 Referans Kwoze

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

رومیوں 8:30

تے جِنہاں کُوں اُوں پہلے کنُوں مقرر کیتا اُنہاں کُوں سڈیا وی، تے جِنہاں کُوں سڈیا اُنہاں کُوں راستباز وی کھڑایا، تے جِنہاں کُوں راستباز کھڑایا اُنہاں کُوں جلال وی بخشیا۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

اِفِسیوں 5:26

تاں جو او کلیسیا کُوں کلام دے ذریعے پانڑی نال غُسل ڈے تے صاف تے مُقدّس بنڑا ڈیوے،

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

رومیوں 8:33

کوݨ خُدا دے چُنڑے ہوئے لوکاں اُتے اِلزام لا سگدے؟ خُدا آپ اُنہاں کُوں راستباز بنڑیندے۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

2تھِسّلُنیکیوں 2:13

پر بِھراؤ تے خُداوند دے پیاریو! تُہاڈے کیتے خُدا دا شُکر کریندے راہوݨ ساڈے اُتے فرض ہے کیوں جو اُوں تُہاکُوں شروع کنُوں ای چُنڑ گِھدے جو تُساں رُوح القُدس دے ذریعے پاکیزگی حاصل کر تے، تے حق اُتے اِیمان گِھن آ تے نجات پاؤ۔

اعمال 13:39

تے جیہڑے گالھیں کنُوں تُساں مُوسیٰ دی شریعت دے ذریعے نجات نہ پا سگدے ہَوے، ہُنڑ مسیح اُتے اِیمان گِھن آوݨ دے ذریعے ہر کہیں کُوں نجات مِل سگدی ہے۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

گلتِیوں 3:11

ہُنڑ ایہ صاف ظاہر ہے جو شریعت دے وسیلے نال کوئی بندہ خُدا دی نِگاہ ءچ راستباز نئیں کھڑدا کیوں جو لِکھیا ہے جو ”راستباز اِیمان نال ای زندہ راہسی۔“

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

1کُرِنتھِیوں 12:2

تُساں جانڑدے ہیوے جو جیہڑے ویلے تُساں غیر اِیماندار ہَوے تاں تُساں گُونگے بُتاں دے پِچُھوں ٹُردے ہَوے، جِینویں وی کوئی تُہاکُوں گِھن ویندا ہا۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

گلتِیوں 3:24

بس شریعت ساکُوں مسیح تئیں پُجنڑ کیتے ساڈی نگہبان ہئی تاں جو اساں اِیمان دے وسیلے نال راستباز کھڑائے ونجُوں۔

رومیوں 5:9

جڈاں مسیح دے خون دے وسیلے نال اساں راستباز کھڑائے گئے تاں ایہ گالھ زیادہ یقینی ہے جو اساں اُوندے وسیلے خُدا دے عذاب تُوں بچ ویسوں۔

رومیوں 3:24

پر خُدا دے فضل دے سببّوں مُفت راستباز کھڑائے ویندے ہِن، اُوں مخلصی دے ذریعے جیہڑی یسُوع مسیح دے وسیلہ مِلدی ہے۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

گلتِیوں 3:8

خُدا دے کلام پہلے ای پیشن گوئی کیتی ہئی جو خُدا غیر قوماں کُوں اِیمان دے وسیلے راستباز کھڑیسی۔ تے وقت کنُوں پہلے ای ابرہام کُوں ایہ خوشخبری سُنڑا ڈِتی ہئی جو ”تیڈے وسیلے نال سبھ قوماں برکت پیسن۔“

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

یُوحنّا 13:10

یسُوع اُونکُوں آکھیا، ”جئیں دھا گِھدے اُونکُوں پیراں دے سِوا بِیا کُجھ دھووݨ دی ضرورت نئیں کیوں جو او بالکل پاک ہے، تے تُساں پاک ہیوے پر سارے نئیں۔“

یُوحنّا 13:8

پطرس اُونکُوں آکھیا، ”تُساں میڈے پیر کڈھائیں نہ دھوسو۔“ یسُوع اُونکُوں جواب ڈِتا، ”جے مَیں تیکُوں نہ دُھوواں تاں تیڈی میڈے نال کوئی شراکت نئیں۔“

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

1 یُوحنّا 2:12

بالو! مَیں تُہاکُوں اِیں واسطے لِکھدا پِیا ہاں جو مسیح دے ناں دے وسیلے نال تُہاڈے گُناہ معاف کر ڈِتے گئے ہِن۔

متّی 20:4

تے اُنہاں کُوں آکھیا، ’تُساں وی میڈے انگُوراں دے باغ ءچ چلے ونجو۔ جیہڑا مناسب ہے تُہاکُوں ڈیساں۔‘ بس او چلے گئے۔

یُوحنّا 5:4

کیوں جو رب دا فرشتہ کڈھائیں کڈھائیں حوض ءچ لہہ تے پانڑی ہلیندا ہا۔ پانڑی ہِلدے ای جیہڑا کوئی پہلے لہہ ویندا اُونکُوں شِفا مِل ویندی ہئی، بھانویں جو او کہیں وی مرض دا شکار ہووے۔]