1کُرِنتھِیوں 5:2 - کِتاب مُقدّس سرائیکی ترجمہ

² تُساں وَل وی پُھنڈدے ہیوے۔ تُہاکُوں تاں اِیں گالھ اُتے ماتم کرنڑا چاہیدا ہا۔ جئیں ایہ بُرا کم کیتے، اُونکُوں تُہاڈے ءچوں کڈھ ڈیونڑا چاہیدے۔

1کُرِنتھِیوں 5:2 Referans Kwoze

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

1کُرِنتھِیوں 5:13

پر باہر آلیاں دا فیصلہ تاں خُدا ای کریسی۔ بس ”اُوں بدکار کُوں آپنڑے ءچوں کڈھ ڈیؤ۔“

1کُرِنتھِیوں 4:18

تُہاڈے ءچ کُجھ لوک ایہ سوچ تے بہُوں شیخی مریندے ہِن جو مَیں تُہاڈے کولھ آوݨ آلا ای نئیں۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔