1کُرِنتھِیوں 5:11 - کِتاب مُقدّس سرائیکی ترجمہ

¹¹ پر مَیں ایہ لِکھیا ہا جو جے کوئی اِیمان ءچ بِھرا اکھویندے تے وَل وی زِناکار، لالچی، بُتاں دا مننڑ آلا، مندھے کڈھنڑ آلا، شرابی یا ٹَھگ ہووے تاں اُوندے نال تعلق نہ رکھائے بلکہ ایجھیاں نال کھانڑا تئیں نہ کھوائے۔

1کُرِنتھِیوں 5:11 Referans Kwoze

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

2تھِسّلُنیکیوں 3:14

جے کوئی ساڈے اِیں خط ءچ لِکھی ہوئی نصیحت اُتے عمل نہ کرے تاں اُوندے اُتے نظر رکھو تے اُوندے نال تعلق چھوڑ ڈیؤ تاں جو او شرمسار تھیوے۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

متّی 18:17

جے او اُنہاں دی وی نہ سُنڑے تاں کلیسیا کُوں ڈسا، تے جے او کلیسیا دی وی نہ سُنڑے تاں اُونکُوں محصُول گِھننڑ آلیاں تے غیر قوماں دے برابر جاݨ۔

1کُرِنتھِیوں 5:13

پر باہر آلیاں دا فیصلہ تاں خُدا ای کریسی۔ بس ”اُوں بدکار کُوں آپنڑے ءچوں کڈھ ڈیؤ۔“

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

متّی 23:25

منافق شریعت دے عالمو تے فریسیو، تُہاڈے اُتے افسوس۔ تُساں پیالے تے تھالی کُوں باہر کنُوں تاں صاف کریندے ہیوے پر اُنہاں ءچ لُٹ دا مال تے بُرائی بھری پئی ہے۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

اِفِسیوں 5:5

کیوں جو تُساں ایہ جانڑدے ہیوے جو کہیں حرامکار، ناپاک یا لالچی بندے دی مسیح تے خُدا دی بادشاہی ءچ کوئی میراث نئیں بلکہ لالچی بندہ بُت پرست دے برابر ہے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

1کُرِنتھِیوں 6:10

نہ چور، نہ لالچی، نہ شرابی، نہ مندھے کڈھنڑ آلے، نہ ظالم خُدا دی بادشاہی دے وارث ہوسن۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

1کُرِنتھِیوں 8:11

اِینویں تیڈا علم اُوں کمزور اِیمان آلے دی ہلاکت دا سبب بنڑ ویسی جیندے کیتے مسیح آپنڑی جان قُربان کیتی۔

1کُرِنتھِیوں 6:6

بلکہ بِھرا ڈُوجھے بِھرانواں اُتے مقدمہ کریندن تے او وی غیر اِیمانداراں دے سامنڑے۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

مُکاشفہ 2:14

پر میکُوں تیڈے تُوں کُجھ گالھیں دی شکایت ہے جو تیڈے ءچوں کُجھ لوک بلعام دی تعلیم دی پیروی کریندے ہِن، جئیں بلق کُوں سِکھایا جو بنی اِسرائیل کُوں کِینویں گُمراہ کرے تے نتیجے ءچ اُنہاں بُتاں کُوں نذر کیتیاں گئیاں قُربانیاں دا گوشت کھادا تے حرام کاری کیتی۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

گلتِیوں 2:12

اِیں واسطے جو یعقُوب دی طرفوں کُجھ لوکاں دے آوݨ کنُوں پہلے پطرس غیر قوماں دے نال کھانڑا کھاندا ہا پر جِیں ویلے او لوک اُتھاں پُجے تاں پطرس ختنہ کرواوݨ اُتے زور ڈیوݨ آلیاں دے ڈر کنُوں رُک گِیا تے غیر قوماں تُوں اَنج تھی گِیا۔

1کُرِنتھِیوں 11:21

کیوں جو ہر بندہ ڈُوجھے دا اِنتظار کیتے بغیر کھانڑا کھا گِھندے۔ کوئی تاں بُکھا رہ ویندے تے کہیں کُوں نشہ تھی ویندے۔

1کُرِنتھِیوں 10:14

اِیں واسطے عزیزو! بُت پرستی کنُوں بھجو۔

1کُرِنتھِیوں 7:15

پر جے کوئی غیر ایماندار پایا یا ذال اَنج تھیوݨ چاہوے تاں اُونکُوں تھیوݨ ڈیؤ۔ اِیں صورت ءچ کوئی اِیماندار بِھرا یا بھینڑ پابند نئیں، کیوں جو خُدا ساکُوں صُلح سلامتی نال راہوݨ کیتے سڈیا ہے۔

1کُرِنتھِیوں 7:12

باقی لوکاں کُوں خُداوند نئیں بلکہ میں ای ایہ آدھا ہاں جو جے کہیں اِیماندار بِھرا دی غیر اِیماندار ذال ہووے پر او اُوندے نال راہنڑ ءچ راضی ہووے تاں پایا اُونکُوں نہ چھوڑے۔

اعمال 9:17

بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،