1کُرِنتھِیوں 4:4 - کِتاب مُقدّس سرائیکی ترجمہ

⁴ میڈا ضمیر میکُوں ملامت نئیں کریندا پر اِیں تُوں مَیں بے قصُور ثابت نئیں تھیندا، بلکہ میڈا پرکھنڑ آلا خُداوند ہے۔

1کُرِنتھِیوں 4:4 Referans Kwoze

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

رومیوں 2:13

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

رومیوں 4:2

جے او آپنڑے اعمال دی وجہ کنُوں راستباز کھڑدا تاں اُونکُوں فخر کرݨ دا حق ہوندا پر خُدا دے حضُور ءچ نئیں۔

1کُرِنتھِیوں 4:3

میڈے کیتے ایہ اِنتہائی ہلکی گالھ ہے جو تُساں یا کوئی اِنسانی عدالت میکُوں پرکھے بلکہ مَیں تاں خود وی آپنڑے آپ کُوں نئیں پرکھدا۔