1کُرِنتھِیوں 4:21 - کِتاب مُقدّس سرائیکی ترجمہ

²¹ تُساں کیا چاہندے ہیوے، جو مَیں سوٹی گِھن تے تُہاڈے کولھ آواں یا محبت تے نرم مزاجی نال؟

1کُرِنتھِیوں 4:21 Referans Kwoze

2کُرِنتھِیوں 13:2

جِیں ویلے میں ڈُوجھی پھیری تُہاڈے کولھ آیا ہم تاں میں اُوں ویلے تُہاکُوں چتایا ہا تے ہُنڑ غیر حاضر ہوندے ہوئے وی ولا اُنہاں کُوں جِنہاں پہلے گُناہ کیتے ہَن تے بئیاں کُوں وی چتیندا پِیا ہاں جو جڈاں میں واپس آساں تاں کہیں کُوں وی نہ چُھڑیساں،

1تھِسّلُنیکیوں 2:7

اِیندے بجائے، جِینویں ہِک ماء آپنڑے بالاں دی نرمی نال ڈیکھ بھال کریندی ہے اُونویں ای اساں وی تُہاڈے وچال نرمی نال ریہے۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 2:3

مَیں تُہاکُوں اِیہو گالھ لِکھی ہئی تاں جو جِیں ویلے مَیں آواں تاں میکُوں اُنہاں لوکاں کنُوں ڈُکھ نہ پُجے جِنہاں کنُوں میکُوں خوشی مِلنڑی چاہیدی ہئی، کیوں جو میکُوں تُہاڈے ساریاں اُتے اِیں گالھ دا بھروسا ہے جو جیہڑی میڈی خوشی ہے اُوہو تُساں ساریاں دی وی خوشی ہے۔

2کُرِنتھِیوں 1:23

خُدا گواہ ہے جو مَیں کُرِنتُھس اِیں واسطے واپس نئیں آیا جو مَیں تُہاکُوں دڑکنڑ تُوں باز راہوݨ چاہندا ہم۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

2کُرِنتھِیوں 10:6

تے جِیں ویلے تُہاڈی فرمانبرداری پُوری تھی ونجے تاں اساں ہر طرحاں دی نافرمانی دی سزا ڈیوݨ کیتے تیار ہوسُوں۔

2کُرِنتھِیوں 2:1

بس مَیں آپنڑے دل ءچ اِرادہ کر گِھدا ہا جو ولا تُہاڈے کولھ پریشان تھی تے نہ آواں

2کُرِنتھِیوں 10:8

کیوں جو جے مَیں آپنڑے اُوں اِختیار اُتے کُجھ زیادہ فخر وی کراں، جیہڑا خُداوند ساکُوں تُہاڈی ترقی کیتے ڈِتے نہ جو وِگاڑن کیتے، تاں اِیندے بارے ءچ مَیں شرمندہ نہ تھیساں۔

2کُرِنتھِیوں 3:10

بلکہ پہلے نِظام دا جلال، اِیں زیادہ جلالی نِظام دے مُقابلے ءچ ہُنڑ غیر جلالی لگدا ہے۔

1کُرِنتھِیوں 5:5

تاں اُوں بندے کُوں جِسمانی ہلاکت کیتے شیطان دے حوالے کر ڈیؤ تاں جو خُداوند یسُوع دے واپس آوݨ دے ڈینہہ اُوندی رُوح بچ ونجے۔

1کُرِنتھِیوں 4:18

تُہاڈے ءچ کُجھ لوک ایہ سوچ تے بہُوں شیخی مریندے ہِن جو مَیں تُہاڈے کولھ آوݨ آلا ای نئیں۔

2کُرِنتھِیوں 12:18

مَیں طِطُس دی مِنت کیتی جو تُہاڈے کولھ ونجے تے اُوندے نال ہِک بئے بِھرا کُوں وی بھیجیا۔ کیا طِطُس تُہاڈے کنُوں کوئی ناجائز فائدہ چاتے؟ کیا اساں ہِکو رُوح کنُوں ہدایت گِھن تے نہ ٹُرے؟ کیا اساں ہِکو راہ اُتے نہ ٹُرے؟

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔