1کُرِنتھِیوں 4:16 - کِتاب مُقدّس سرائیکی ترجمہ

¹⁶ بس مَیں تُہاڈی مِنت کریندا ہاں جو میڈے نمونے اُتے ٹُرو۔

1کُرِنتھِیوں 4:16 Referans Kwoze

2تھِسّلُنیکیوں 3:9

اِیں واسطے نئیں جو ساڈا تُہاڈے اُتے کوئی حق نہ ہا بلکہ اِیں واسطے جو ایجھا نمونہ پیش کرُوں جیندے اُتے تُساں چل سگو۔

فِلِپّیوں 3:17

بِھراؤ! تُساں سارے میڈے نمونے اُتے ٹُرو تے اُنہاں لوکاں اُتے غور کرو جیہڑے ساڈے ڈِتے ہوئے نمونہ اُتے ٹُردے ہِن۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

فِلِپّیوں 4:9

جیہڑا کُجھ تُساں میں تُوں سِکھیا، حاصل کیتا، سُنڑیا تے میڈے ءچ ڈِٹھا، اُوندے اُتے عمل کریندے راہو۔ تے خُدا جیہڑا اِطمینان دا چشمہ ہے تُہاڈے نال راہسی۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔