1کُرِنتھِیوں 4:15 - کِتاب مُقدّس سرائیکی ترجمہ

¹⁵ کیوں جو جے مسیح ءچ تُہاڈے ہزار اُستاد وی ہووݨ، وَل وی تُہاڈے پِیُو بہُوں سارے نئیں۔ کیوں جو یسُوع مسیح ءچ تُہاکُوں خوشخبری سُنڑاوݨ دے سببّوں مَیں ای تُہاڈا پِیُو بنڑیا۔

1کُرِنتھِیوں 4:15 Referans Kwoze

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

1کُرِنتھِیوں 3:10

مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔

1کُرِنتھِیوں 9:23

مَیں ایہ سبھ کُجھ خوشخبری دی خاطر کریندا ہاں تاں جو ڈُوجھیاں نال خوشخبری دیاں برکتاں ءچ شریک تھی سگاں۔

1کُرِنتھِیوں 9:14

اِینویں ای خُداوند وی مقرر کیتے جو خوشخبری دی تبلیغ کرݨ آلے خوشخبری قبول کرݨ آلیاں دی مدد نال گُزارہ کرݨ۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

فِلیمون 1:19

مَیں پولُس آپنڑے ہتھ نال لِکھیندا ہاں جو میں تیکُوں او ادا کر ڈیساں۔ ایہ یاد ڈیواوݨ دی لوڑ نئیں جو میڈا قرض جیہڑا تیڈے اُتے ہے، او تُوں خود ہیں۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

2 تِیمُتھِیُس 4:3

کیوں جو ایجھا وقت آندا پئے جو لوک صحیح تعلیم دی برداشت نہ کریسن بلکہ آپنڑیاں آپنڑیاں نفسانی خواہشاں دے مطابق ایجھے اُستاد جمع کریسن جیہڑے اُوہو اکھیسن جیہڑا او سُنڑݨ چاہندے ہِن۔

1کُرِنتھِیوں 9:18

بس میڈا اجر کیا ہے؟ صرف ایہ جو خوشخبری کُوں مُفت کر ڈیواں تے اُوں حق دا فائدہ نہ چاواں جیہڑا تبلیغ دی وجہ کنُوں میکُوں مِلدا ہے۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 3:6

مَیں بُوٹا لایا، اپُلّوس پانڑی ڈِتا پر ودھایا خُدا۔

رومیوں 15:20

میڈا صرف ایہ مقصد ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

1کُرِنتھِیوں 9:16

پر جڈاں مَیں خوشخبری دی تبلیغ کریندا ہاں تاں اِیندے ءچ میڈا کوئی فخر نئیں کیوں جو ایہ تاں میڈے اُتے فرض ہے۔ بلکہ میڈے اُتے افسوس، جے مَیں خوشخبری دی تبلیغ نہ کراں۔

1کُرِنتھِیوں 15:1

ہُنڑ بِھراؤ! مَیں تُہاکُوں اُوہو خوشخبری یاد ڈیویندا ہاں، جیندی تبلیغ مَیں تُہاڈے ءچ کیتی ہے، جِینکُوں تُساں قبول کر گِھدے تے جیندے اُتے تُساں قائم وی ہیوے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

گلتِیوں 3:24

بس شریعت ساکُوں مسیح تئیں پُجنڑ کیتے ساڈی نگہبان ہئی تاں جو اساں اِیمان دے وسیلے نال راستباز کھڑائے ونجُوں۔

گلتِیوں 3:25

پر ہُنڑ اِیمان دی راہ آ گئی ہے تے اساں شریعت دی نگہبانی ءچ نئیں ریہے۔