1کُرِنتھِیوں 4:11 - کِتاب مُقدّس سرائیکی ترجمہ

¹¹ اساں اِیں ویلے تئیں بُکھے ترِسّے ہیں، پھٹے پُرانڑے کپڑے پیندے ہیں، مُکے کھاندے تے رُلدے پِھردے ہیں۔

1کُرِنتھِیوں 4:11 Referans Kwoze

رومیوں 8:35

کوݨ ساکُوں مسیح دی محبت کنُوں اَنج کریسی؟ کیا مُصیبت یا تنگی یا ظلم یا قحط یا ننگا پن یا خطرہ یا تلوار؟

فِلِپّیوں 4:12

مَیں تنگ حالی ءچ وی راہنڑ جانڑدا ہاں تے خوشحالی ءچ وی۔ ہر گالھ تے ہر حالت ءچ، رجیا ہویا تے بُکھ ءچ، امیری تے غریبی ءچ زندگی گُزارݨ سِکھیا ہے۔

2 تِیمُتھِیُس 3:11

ستائے ونجنڑ تے ڈُکھ چاوݨ ءچ میڈی پیروی کیتی۔ تُوں جانڑدیں جو انطاکِیہ، اکُنیُم تے لُسترہ ءچ میڈے اُتے کِتنے ڈُکھ آئے پر خُداوند میکُوں اُنہاں ساریاں تُوں رہائی بخشی۔

متّی 8:20

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

2کُرِنتھِیوں 4:8

اساں ہر پاسُوں دبائے تاں ویندے ہیں پر ٹُکڑے ٹُکڑے نئیں تھیندے۔ پریشان تاں تھیندے ہیں پر نا اُمید نئیں تھیندے۔

1کُرِنتھِیوں 9:4

کیا ساکُوں کھاوݨ پِیوݨ دا حق نئیں؟

اعمال 23:2

اِیندے تے کاہِن ِ اعظم حننیاہ اُوندے کولھ کھڑے لوکاں کُوں حُکم ڈِتا جو اُوندے مُنہ اُتے چاٹ مارو۔

اعمال 16:23

وَل سپاہیاں اُنہاں کُوں بینت مروا تے قید خانہ ءچ سَٹ ڈِتا تے قید خانہ دے داروغہ کُوں حُکم ڈِتا جو اُنہاں دی چنگی طرحاں چوکیداری کرے۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

2کُرِنتھِیوں 11:20

جے کوئی تُہاکُوں غُلام بنڑیندے یا تُہاکُوں لُٹیندے، یا تُہاکُوں دوکھا ڈیندے، یا تُہاڈے اُتے رُعب پیندے، یا تُہاڈے مُنہ اُتے چاٹ مریندے تاں تُساں برداشت کر گِھندے ہیوے۔