1کُرِنتھِیوں 3:23 - کِتاب مُقدّس سرائیکی ترجمہ

²³ سبھ کُجھ تُہاڈا ہے تے تُساں مسیح دے ہیوے تے مسیح خُدا دا ہے۔

1کُرِنتھِیوں 3:23 Referans Kwoze

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

1کُرِنتھِیوں 15:23

پر ہر ہِک آپنڑی آپنڑی واری نال۔ سبھ تُوں پہلے مسیح جیہڑا پہلا پھل ہے، تے وَل مسیح دے آوݨ تے اُوندے لوک۔

1کُرِنتھِیوں 11:3

پر مَیں چاہندا ہاں جو تُساں ایہ وی جاݨ گِھنو جو ہر مرد دا سر مسیح ہے تے عورت دا سر مرد ہے تے مسیح دا سر خُدا ہے۔

یُوحنّا 17:18

جِینویں تُوں میکُوں دُنیا ءچ بھیجیا، اُونویں ای مَیں وی اُنہاں کُوں دُنیا ءچ بھیجیا ہے۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

رومیوں 14:8

جے اساں زندہ ہیں تاں خُداوند دی خاطر زندہ ہیں، تے جے مردے ہیں تاں خُداوند دی خاطر مردے ہیں، اِیں واسطے بھانویں اساں زندہ راہوں یا مرُوں، اساں خُداوند ای دے ہیں۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

1کُرِنتھِیوں 15:28

بلکہ جِیں ویلے سبھ کُجھ پوتر دے تابع تھی ویسی تاں پوتر خود وی خُدا دے تابع تھی ویسی جئیں سبھ کُجھ پوتر دے تابع کر ڈِتے تاں جو خُدا ای ہر لحاظ نال سبھ کُجھ ہووے۔