1کُرِنتھِیوں 3:10 - کِتاب مُقدّس سرائیکی ترجمہ

¹⁰ مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔

1کُرِنتھِیوں 3:10 Referans Kwoze

1کُرِنتھِیوں 3:11

کیوں جو جیہڑی بنیاد رکھی گئی ہے او یسُوع مسیح ہے تے اُوندے علاوہ ہُنڑ کوئی بندہ ڈُوجھی بنیاد نئیں رکھ سگدا۔

اِفِسیوں 2:20

تُساں ہِک ایجھی عمارت ہیوے جیہڑی رسُولاں تے نبیاں دی بنیاد اُتے اُساری گئی ہے، جیندے کونے دے سرے دا پتھر یسُوع مسیح خود ہے۔

رومیوں 15:20

میڈا صرف ایہ مقصد ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔

متّی 24:45

او دیانتدار تے عقلمند نوکر کیہڑا ہے، جِینکُوں اُوندا مالک آپنڑے گھر دے بئے نوکراں چاکراں اُتے مقرر کرے، تاں جو اُنہاں کُوں ویلے نال کھانڑا ڈِتا کرے؟

مُکاشفہ 21:19

شہر دی چاردیواری دیاں بنیاداں ہر قِسم دے قیمتی پتھر نال سجیاں ہوئیاں ہَن۔ پہلی بنیاد یشب پتھر نال بنڑی ہئی، ڈُوجھی نیلم نال، تریجھی شب چراغ نال، چوتھی زمُرد نال۔

1کُرِنتھِیوں 9:2

جے مَیں ڈُوجھیاں دی نظر ءچ رسُول نئیں تاں کم از کم تُہاڈی نظر ءچ تاں ہاں کیوں جو تُساں خُداوند ءچ میڈے رسُول ہووݨ دا ثبوت ہیوے۔

متّی 7:24

اِیں واسطے جیہڑا کوئی میڈے ایہ گالھیں سُنڑدے تے اُنہاں اُتے عمل کریندے او اُوں عقلمند بندہ وانگُوں ہوسی جئیں آپنڑاں گھر چٹان اُتے بنڑایا۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

کلُسِّیوں 4:17

اَرخِپُس کُوں اکھائے جو جیہڑی خدمت خُداوند ءچ اُوندے سپُرد تھئی ہے اُونکُوں ہوشیاری نال پُورا کرے۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

اعمال 18:27

جِیں ویلے اپُلّوس سمندر پار اَخیہ ونجنڑ دا اِرادہ کیتا تاں بِھرانواں اُوندی ہِمت ودھائی تے اُتھوں دے شاگرداں کُوں لِکھیا جو اُونکُوں گرم جوشی نال مِلنڑ۔ اُتھاں پُج تے اُوں لوکاں دی بہُوں مدد کیتی جیہڑے خُدا دے فضل نال اِیمان گِھن آئے ہَن۔

لُوقا 11:35

اِیں واسطے خیال کر جو جیہڑی روشنی تیڈے اندر ہے او اندھارا تاں نئیں۔

یعقُوب 3:1

میڈے بِھراؤ! تُہاڈے ءچوں بہُوں سارے کلام سِکھاوݨ آلے نہ بنڑݨ کیوں جو تُساں جانڑدے ہیوے جو خُدا ڈُوجھیاں دے مُقابلے ءچ اساں اُستاداں دی زیادہ سختی نال عدالت کریسی۔

1 تِیمُتھِیُس 4:16

آپنڑے چال چلنڑ تے آپنڑی تعلیم دا خاص خیال رکھ۔ اِنہاں گالھیں اُتے عمل کریندا رہ کیوں جو اِینویں کرݨ نال تُوں آپنڑی تے آپنڑے سُنڑݨ آلیاں دی نجات دا سبب ہوسیں۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

رومیوں 15:15

وَل وی مَیں کُجھ گالھیں بہُوں دلیری نال تُہاکُوں یاد ڈیواوݨ کیتے لِکھیاں ہِن۔ خُدا میڈے اُتے فضل کیتے

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

مُکاشفہ 21:14

اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔

2کُرِنتھِیوں 10:15

تے اساں آپنڑی حد تُوں باہر وَنج تے بئے دی محنت اُتے فخر نئیں کریندے بلکہ اُمید رکھیندے ہیں جو تُہاڈے اِیمان ءچ ترقی پارُوں تے اِینویں تُہاڈے ذریعے ساڈی خدمت دی حد وی مزید ودھے،

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔