1کُرِنتھِیوں 3:1 - کِتاب مُقدّس سرائیکی ترجمہ

¹ بِھراؤ! مَیں تُہاڈے نال اِینویں گالھیں نہ کر سگیا جِینویں رُوحانی لوکاں نال کیتیاں ویندیاں ہِن، بلکہ جِینویں جسمانی لوکاں نال جیہڑے اجنڑ تئیں مسیح ءچ بال ہِن۔

1کُرِنتھِیوں 3:1 Referans Kwoze

عبرانیوں 5:13

جیہڑا کھیر پِیندے، او حالی تئیں چھوٹا بال ہے، تے راستبازی دی تعلیم کنُوں ناواقف ہے۔

1کُرِنتھِیوں 2:6

اساں حِکمت دے گالھیں اُنہاں لوکاں کُوں آدھے ہیں جیہڑے اِیمان ءچ بالغ ہِن، پر ایہ حِکمت نہ اِیں جہان دی ہے تے نہ ای اِیں جہان دے ختم تھی ونجنڑ آلے حاکماں دی ہے۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

رومیوں 7:14

اساں جانڑدے ہیں جو شریعت ہِک رُوحانی چیز ہے پر مَیں جِسمانی ہاں تے گُناہ دی غُلامی ءچ وِک گِیا ہاں۔

1 یُوحنّا 2:12

بالو! مَیں تُہاکُوں اِیں واسطے لِکھدا پِیا ہاں جو مسیح دے ناں دے وسیلے نال تُہاڈے گُناہ معاف کر ڈِتے گئے ہِن۔

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔

متّی 16:23

یسُوع پطرس دو مُڑ تے آکھیا، ”شیطان! میڈے کنُوں دُور تھی وَنج۔ تُوں میڈے کیتے ٹھوکر دا باعث ہیں کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

1کُرِنتھِیوں 14:37

جے کوئی آپنڑے آپ کُوں نبی یا رُوحانی سمجھے تاں اُونکُوں پتہ ہوونڑاں چاہیدے جو جیہڑا کُجھ مَیں لِکھدا ہاں خُداوند دا حُکم ہے۔