1کُرِنتھِیوں 2:14 - کِتاب مُقدّس سرائیکی ترجمہ

¹⁴ پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

1کُرِنتھِیوں 2:14 Referans Kwoze

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

1 یُوحنّا 2:27

پر رُوح القُدس جیندے نال مسیح تُہاکُوں مسح کیتے، تُہاڈے دِلاں ءچ قائم راہندے، اِیں واسطے ضرورت کائنی جو کوئی تُہاکُوں سِکھاوے۔ رُوح القُدس ای تُہاکُوں سارے گالھیں سکھیندے تے جیہڑا کُجھ او سکھیندے، سچائی ہے کُوڑ نئیں۔ بس جِینویں اُوں تُہاکُوں سِکھائے، اُونویں ای تُساں مسیح ءچ قائم راہو۔

1کُرِنتھِیوں 15:46

رُوحانی پہلے نہ ہا بلکہ فطرتی جِسم ہا۔ بعد ءچ رُوحانی آیا۔

یہُوداہ 1:19

اِیہو او لوک ہِن جیہڑے تفرقے پیندے ہِن، ایہ نفسانی ہِن تے اُنہاں ءچ رُوح القُدس نئیں۔

یعقُوب 3:15

ایجھی حِکمت اسمان کنُوں نئیں لہندی بلکہ دُنیاوی، نفسانی تے شیطانی ہے۔

1 یُوحنّا 2:20

پر تُساں تاں اُوں قدُّوس دی طرفوں رُوح القُدس نال مسح کیتے گئے ہیوے تے تُساں سارے سچائی کُوں جانڑدے ہیوے۔

1کُرِنتھِیوں 15:44

فطرتی جِسم دفن کیتا ویندے تے رُوحانی جِسم زندہ تھی ویندے۔ جے فطرتی جِسم ہے تاں رُوحانی جِسم وی ہے۔

1کُرِنتھِیوں 2:12

ساکُوں اِیں دُنیا دا رُوح نئیں مِلیا بلکہ خُدا دا رُوح القُدس مِلیا ہے تاں جو اساں اُنہاں برکتاں کُوں جاݨ سگوں جیہڑیاں ساکُوں خُدا دی طرفوں بخشیاں گئیاں ہِن۔

یُوحنّا 12:37

بھانویں اُوں اِتی سارے معجزے اُنہاں دے سامنڑے کیتے ہَن، وَل وی او اُوندے اُتے اِیمان نہ گِھن آئے۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

متّی 16:23

یسُوع پطرس دو مُڑ تے آکھیا، ”شیطان! میڈے کنُوں دُور تھی وَنج۔ تُوں میڈے کیتے ٹھوکر دا باعث ہیں کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

یُوحنّا 14:26

پر او مددگار یعنی رُوح القُدس جِینکُوں میڈا باپ میڈے ناں نال بھجیسی، اُوہو تُہاکُوں سارے گالھیں سکھیسی تے جیہڑا کُجھ مَیں تُہاکُوں آکھیا ہے، او سبھ تُہاکُوں یاد ڈیویسی۔

اعمال 16:14

ساڈے گالھیں سُنڑݨ آلیاں عورتاں ءچوں لُدیہ ناں دی ہِک عورت ہئی۔ او تھواتِیرہ شہر دی ہئی تے جامنی رنگ دے کپڑے دا کاروبار کریندی ہئی تے بہُوں خُدا پرست ہئی۔ خُداوند اُوندا دل کھولیا تاں جو او پولُس دا پیغام سُنڑے تے اُونکُوں قبول کرے۔

یُوحنّا 8:43

تُساں میڈے گالھیں کیوں نئیں سمجھدے؟ اِیں واسطے جو میڈا کلام سُنڑ نئیں سگدے۔

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

اعمال 25:19

بلکہ آپنڑے مذہب تے یسُوع ناں دے ہِک بندے دے بارے ءچ بحث کریندے ہَن جیہڑا مر گِیا ہا تے پولُس اُونکُوں زندہ اکھیندے۔

یُوحنّا 15:26

پر جِیں ویلے او مددگار آسی جِینکُوں مَیں تُہاڈے کولھ باپ دی طرفوں بھجیساں، یعنی سچائی دا رُوح جیہڑا باپ دی طرفوں صادر تھیندا ہے تاں او میڈی گواہی ڈیسی۔

اعمال 18:15

پر تُہاڈا اِلزام تاں کُجھ لفظاں، نانواں تے تُہاڈی آپنڑی شریعت دے مسئلیاں نال تعلق رکھیندے۔ اِیں واسطے تُساں خود ای بُھگتا گِھنو۔ مَیں ایجھے گالھیں دا مُنصف نہ بنڑساں۔“

اعمال 17:32

جِیں ویلے لوکاں مُردیاں دی قیامت دے بارے ءچ سُنڑیا تاں اُنہاں ءچوں کُجھ اِیں گالھ کُوں کِھل ءچ اُڈا ڈِتا تے کُجھ آکھیا جو ”اساں اِیں موضوع تے وَل کہیں ویلے تَیں تُوں سُنڑسوں۔“

یُوحنّا 10:20

اُنہاں ءچوں بہُوں سارے تاں آکھنڑ لگے، ”اُوندے ءچ بدرُوح ہے تے او پاگل ہے۔ تُساں اُوندی کیوں سُنڑدے ہیوے؟“

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 1:25

کیوں جو خُدا دی بیوقُوفی آدمیاں دی حِکمت کنُوں زیادہ حِکمت آلی ہے تے خُدا دی کمزوری آدمیاں دے زور کنُوں زیادہ زور آور ہے۔

1کُرِنتھِیوں 3:1

بِھراؤ! مَیں تُہاڈے نال اِینویں گالھیں نہ کر سگیا جِینویں رُوحانی لوکاں نال کیتیاں ویندیاں ہِن، بلکہ جِینویں جسمانی لوکاں نال جیہڑے اجنڑ تئیں مسیح ءچ بال ہِن۔