1کُرِنتھِیوں 16:6 - کِتاب مُقدّس سرائیکی ترجمہ

⁶ تے شاید تُہاڈے نال راہواں بلکہ شاید سیالا وی تُہاڈے کولھ گُزاراں تاں جو تُساں میڈے اگُوں دے سفر کیتے میڈی مدد کر سگو جِتھاں وی مَیں ونجنڑا ہوسی۔

1کُرِنتھِیوں 16:6 Referans Kwoze

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

رومیوں 15:24

اِیں واسطے میکُوں اُمید ہے جو اسپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔

طِطُس 3:12

جِیں ویلے مَیں اَرتِماس یا تخِکُس کُوں تیڈے کولھ بھجیساں تاں نِیکُپُلس ءچ میڈے کولھ آوݨ دی کوشش کریں کیوں جو مَیں ٹَھڈ دا موسم اُتھائیں گُزارݨ دا فیصلہ کیتے۔

2کُرِنتھِیوں 1:16

یعنی تُہاڈے کولُھوں تھیندا ہویا مَکِدُنیہ چلیا وَنجاں تے مَکِدُنیہ کنُوں وَل تُہاڈے کولھ آواں۔ اِیندے بعد تُساں میکُوں یہُودیہ دو روانہ کر ڈیوائے۔

1کُرِنتھِیوں 16:11

بس کوئی اُونکُوں حقیر نہ سمجھے بلکہ اُونکُوں صحیح سلامت بھیج ڈیوائے جو میڈے کولھ آ ونجے کیوں جو مَیں اُوندا تے بئے بِھرانواں دا اِنتظار کرینداں پِیا ہاں۔

اعمال 28:11

ترے مہینے بعد اساں اِسکندرِیہ دے ہِک جہاز ءچ روانہ تھئے جیہڑا سیالا گُزارݨ کیتے اُوں جزیرے ءچ رُکیا پِیا ہا۔ اِیں جہاز دا نشان جاڑا دیوتا ہا۔

اعمال 27:12

کیوں جو او بندرگاہ سیالا گُزارݨ کیتے چنگی نہ ہئی اِیں واسطے ڈھیر لوکاں دا فیصلہ ایہ ہا جو اساں اگُوں ودُھوں تے جے تھی سگے تاں فِینِکس ءچ پُج تے سیالے دا موسم لنگھاؤں۔ ایہ کریتے دی ہِک بندرگاہ ہئی جِیندا رُخ شمال مشرق تے جنُوب مشرق دو ہا۔

اعمال 21:5

جِیں ویلے او ڈینہہ لنگھ گئے تاں اساں اُتھوں کنُوں اگُوں ونجنڑ کیتے روانہ تھئے تے ساریاں ذالاں تے بالاں سمیت ساکُوں شہر کنُوں باہر تئیں پُچایا۔ وَل سمندر دے کنارے اساں گوڈے ٹیک تے دُعا منگی۔

اعمال 20:38

تے پولُس دی اِیں گالھ تُوں بہُوں ڈُکھی تھئے جو ”تُساں میکُوں ولا نہ ڈیکھسو۔“ وَل اُونکُوں جہاز تئیں چھوڑن گئے۔

اعمال 17:15

جیہڑے لوک پولُس دے نال ساتھی دے طور تے گئے، او اُونکُوں اتھینے ءچ چھوڑ تے اِیں حُکم نال وَل آئے جو سِیلاس تے تِیمُتِھیُس جلدی تُوں جلدی پولُس دے کولھ آوݨ۔