1کُرِنتھِیوں 16:19 - کِتاب مُقدّس سرائیکی ترجمہ

¹⁹ آسِیہ دیاں کلیسیاواں تُہاکُوں سلام آدھیاں ہِن۔ اَکوِلہ تے پرسِکہ، اُوں کلیسیا سمیت جیہڑی اُنہاں دے گھر ءچ جمع تھیندی ہے، تُہاکُوں خُداوند دے ناں ءچ بہُوں بہُوں سلام آدھے ہِن۔

1کُرِنتھِیوں 16:19 Referans Kwoze

اعمال 18:2

تے اُتھاں اُونکُوں ہِک یہُودی مِلیا جِیندا ناں اَکوِلہ ہا۔ او پُنطُس دا راہنڑ آلا ہا تے آپنڑی ذال پرسکِلہ نال نواں نواں اِطالِیہ تُوں آیا ہا کیوں جو کلَودِیُس شہنشاہ حُکم ڈِتا ہا جو سارے یہُودی روم شہر ءچوں نِکل ونجنڑ۔ بس پولُس اُنہاں کولھ گِیا،

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

فِلیمون 1:2

تے افیہ بھینڑ، اَرخِپُس جیہڑا ساڈے نال مسیح دا سپاہی ہے تے فِلیمون دے گھر ءچ جمع تھیوݨ آلی کلیسیا دے ناں ہے۔

2 تِیمُتھِیُس 4:19

پرِسکہ تے اَکوِلہ کُوں تے اُنیسِفرُس دے خاندان کُوں سلام آکھ۔

کلُسِّیوں 4:15

لَودِیکیہ دے بِھرانواں تے نُمفاس بھینڑ تے اُوندے گھر ءچ جمع تھیوݨ آلی کلیسیا کُوں سلام اکھائے۔

رومیوں 16:15

فِلُلگُس، یُولیہ، نیریُوس تے اُوندی بھینڑ تے اُلُمپاس تے اُنہاں سبھ مُقدّساں کُوں جیہڑے اُنہاں دے نال ہِن، سلام آکھو۔

اعمال 19:10

ایہ سلسلہ ڈُو سال تئیں چلدا ریہا، اِتُھوں تئیں جو آسِیہ ءچ راہنڑ آلیاں بھانویں یہُودی بھانویں یُونانی، سبھ خُداوند دا کلام سُنڑیا۔

اعمال 18:26

او عبادت خانہ ءچ دلیری نال کلام کرݨ لگا۔ پر پرسکِلہ تے اَکوِلہ اُوندے گالھیں سُنڑ تے اُونکُوں گھر گِھن گئے تے اُونکُوں خُدا دی راہ دی تعلیم مزید چنگی طرحاں سمجھائی۔

اعمال 18:18

بس پولُس بہُوں ڈینہاں تئیں کُرِنتُھس ءچ ریہا، وَل او بِھرانواں کنُوں رُخصت تھی تے جہاز اُتے سُوریہ دو چلیا گِیا۔ پرسکِلہ تے اَکوِلہ وی اُوندے نال ہَن۔ روانہ تھیوݨ تُوں پہلے پولُس آپنڑی مَنت پُوری تھیوݨ پارُوں کِنخریہ ءچ آپنڑا سر مُنوایا۔

اعمال 2:9

اساں تاں پارتھی، مادی، عِیلامی، مسوپتامیہ، یہُودیہ، کپَدُکیہ، پُنطُس، آسِیہ،

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔