1کُرِنتھِیوں 16:11 - کِتاب مُقدّس سرائیکی ترجمہ

¹¹ بس کوئی اُونکُوں حقیر نہ سمجھے بلکہ اُونکُوں صحیح سلامت بھیج ڈیوائے جو میڈے کولھ آ ونجے کیوں جو مَیں اُوندا تے بئے بِھرانواں دا اِنتظار کرینداں پِیا ہاں۔

1کُرِنتھِیوں 16:11 Referans Kwoze

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

اعمال 15:33

کُجھ ڈینہہ بعد او بِھرانواں تُوں سلامتی دی دُعا گِھن تے آپنڑے بھیجنڑ آلیاں کولھ روانہ کیتے گئے۔

طِطُس 2:15

تُوں ایہ گالھیں سِکھا، تے پُورے اِختیار نال نصیحت تے تنبیہ کریندا رہ۔ کوئی وی تیکُوں حقیر نہ سمجھے۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

1کُرِنتھِیوں 16:6

تے شاید تُہاڈے نال راہواں بلکہ شاید سیالا وی تُہاڈے کولھ گُزاراں تاں جو تُساں میڈے اگُوں دے سفر کیتے میڈی مدد کر سگو جِتھاں وی مَیں ونجنڑا ہوسی۔

3 یُوحنّا 1:6

اُنہاں اِتُھوں دی کلیسیا دے سامنڑے تیڈی محبت دی گواہی ڈِتی ہئی۔ جے تُوں اُنہاں دے اگُوں دے سفر کیتے اِینویں مدد کریں جِینویں خُدا دے بندے کیتے مناسب ہے تاں ایہ تیڈی مہربانی ہوسی۔

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

اعمال 15:3

بس کلیسیا اُنہاں کُوں روانہ کیتا تے او فینیکے تے سامریہ ءچوں تھیندے ہوئے، غیر قوماں دا مسیح اُتے اِیمان گِھن آوݨ دا بیان کریندے گئے تے اِیں خبر نال سبھ بِھرانواں کُوں خوش کریندے گئے۔

2کُرِنتھِیوں 1:16

یعنی تُہاڈے کولُھوں تھیندا ہویا مَکِدُنیہ چلیا وَنجاں تے مَکِدُنیہ کنُوں وَل تُہاڈے کولھ آواں۔ اِیندے بعد تُساں میکُوں یہُودیہ دو روانہ کر ڈیوائے۔