1کُرِنتھِیوں 15:58 - کِتاب مُقدّس سرائیکی ترجمہ

⁵⁸ اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

1کُرِنتھِیوں 15:58 Referans Kwoze

گلتِیوں 6:9

اساں نیکی کرݨ ءچ ہِمت نہ ہارُوں کیوں جو جے بے دل نہ تھیسوں تاں پُورے وقت اُتے فصل کپیسوں۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

کلُسِّیوں 2:5

بے شک مَیں بظاہر تُہاڈے نال اُتھاں موجود نئیں، وَل وی مَیں رُوحانی طور تے تُہاڈے نال ہاں تے ایہ ڈیکھ تے خوش ہاں جو تُساں ترتیب نال زندگی گُزریندے تے مسیح اُتے آپنڑے اِیمان ءچ قائم ہیوے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

فِلِپّیوں 1:9

میڈی دُعا ہے جو تُہاڈی محبت ودھدی ونجے تے تُساں علم تے ہر طرحاں دی سمجھ ءچ ودھدے ونجو،

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

فِلِپّیوں 4:17

میں ایہ اِیں واسطے نئیں آدھا جو مَیں کوئی امداد چاہندا ہاں بلکہ مَیں ایہ چاہندا ہاں جو تُہاکُوں تُہاڈے نیک کماں دا اجر مِل ونجے۔

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

فِلِپّیوں 2:30

کیوں جو او مسیح دی خدمت دی خاطر مرݨ آلا ہا۔ اُوں آپنڑی جان خطرے ءچ پا ڈِتی تاں جو او میڈی او خدمت کرے جیہڑی تُساں نہ کر سگے۔

مرقس 3:3

یسُوع سُکے ہتھ آلے بندے کُوں آکھیا، ”اُٹھی تے اِتھاں اَدھ ءچ کھڑا تھی۔“

لُوقا 19:19

اُوں اُونکُوں آکھیا جو ’تُوں وی پنج شہراں دا مُختار تھی۔‘