1کُرِنتھِیوں 15:32 - کِتاب مُقدّس سرائیکی ترجمہ

³² جے مَیں صرف اِنسانی اُمید رکھیندے ہوئے اِفِسُس ءچ جنگلی جانوراں نال لڑیا تاں میکُوں کیا فائدہ تھیّا؟ جے مُردے زندہ نہ کیتے ویسن، تاں ”آؤ کھاؤں پِیؤں کیوں جو کل تاں مرنڑا ای ہے۔“

1کُرِنتھِیوں 15:32 Referans Kwoze

لُوقا 12:19

تے آپنڑے آپ کُوں اکھیساں، تیڈے کولھ بہُوں سالہاں کیتے بہُوں سارا مال جمع ہے۔ ارام نال رہ، کھا پی تے خوش رہ۔‘

2 پطرس 2:12

پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

اعمال 18:19

جِیں ویلے پولُس اِفِسُس پُجیا تاں اُوں اَکوِلہ تے پرسکِلہ کُوں اُتھائیں چھوڑ ڈِتا۔ او خود ہِک عبادت خانہ ءچ وَنج تے یہُودیاں نال بحث کرݨ لگ پِیا۔

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

گلتِیوں 3:15

بِھراؤ! مَیں اِنسانی زندگی دی ہِک مثال ڈیندا ہاں جو بھانویں کوئی اِنسانی معاہدہ ای ہووے، جڈاں اُوندی تصدیق تھی گئی ہووے تاں نہ کوئی اُونکُوں ختم کر سگدے تے نہ ای اُوندے ءچ کُجھ ودھا سگدے۔

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

لُوقا 9:25

بندہ جے ساری دُنیا حاصل کر گِھنے پر آپنڑی جان تُوں محروم تھی ونجے یا اُوندا نُقصان چاوے تاں اُونکُوں کیا فائدہ تھیسی؟

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

1کُرِنتھِیوں 16:8

پر عید پِنتیکُست تئیں مَیں اِفِسُس ءچ راہساں،