1کُرِنتھِیوں 15:18 - کِتاب مُقدّس سرائیکی ترجمہ

¹⁸ بلکہ جیہڑے مسیح اُتے اِیمان رکھیندے ہوئے سَم گئے ہِن او وی ہلاک تھئے۔

1کُرِنتھِیوں 15:18 Referans Kwoze

مُکاشفہ 14:13

وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“

1تھِسّلُنیکیوں 4:16

کیوں جو خُداوند خود وڈی اُچی اواز ءچ ہِک حُکم نال تے سردار فرشتہ دی اواز تے خُدا دے نرسِنگے دے وجائے ونجنڑ دے نال اسمان تُوں تلے لہہ آسی۔ تے پہلے تاں او جیہڑے مسیح ءچ مر گئے ہِن زندہ تھی ویسن۔

1کُرِنتھِیوں 15:6

اُوندے بعد او پنج سو تُوں زیادہ بِھرانواں کُوں ہِکو پھیری ڈِکھالی ڈِتا جِنہاں ءچوں اکثر ہُنڑ تئیں زندہ ہِن، پر کُجھ سَم گئے ہِن۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

1تھِسّلُنیکیوں 4:15

اساں خُداوند دی طرفوں تُہاکُوں آدھے ہیں جو اساں جیہڑے زندہ ہیں تے خُداوند دے آوݨ تئیں باقی راہسوں، اُنہاں کنُوں پہلے ہرگز اُونکُوں نہ مِلسُوں جیہڑے پہلے سَم گئے ہِن۔