1کُرِنتھِیوں 15:17 - کِتاب مُقدّس سرائیکی ترجمہ

¹⁷ تے جے مسیح زندہ نئیں تھیّا تاں تُہاڈا اِیمان بے فائدہ ہے تے تُساں ہُنڑ تئیں آپنڑے گُناہاں ءچ بدھے پئے ہیوے۔

1کُرِنتھِیوں 15:17 Referans Kwoze

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

1کُرِنتھِیوں 15:14

تے جے مسیح زندہ نئیں تھیّا تاں ساڈی تبلیغ دا کوئی فائدہ نئیں تے تُہاڈا اِیمان گِھن آوݨ وی بے فائدہ ہے۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

1کُرِنتھِیوں 15:16

کیوں جو جے مُردے زندہ نئیں تھیندے تاں مسیح وی زندہ نئیں تھیّا۔