1کُرِنتھِیوں 15:13 - کِتاب مُقدّس سرائیکی ترجمہ

¹³ جے مُردیاں دی قیامت نئیں تاں مسیح وی زندہ نئیں تھیّا۔

1کُرِنتھِیوں 15:13 Referans Kwoze

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

1تھِسّلُنیکیوں 4:14

کیوں جو جڈاں ساکُوں یقین ہے جو یسُوع مر گِیا تے ولا زندہ تھی گِیا، تاں ساکُوں اِیندا وی یقین ہے جو خُدا اُنہاں کُوں وی جیہڑے مسیحی ہوندے ہوئے سَم گئے ہِن، یسُوع نال ولا گِھن آسی۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

1کُرِنتھِیوں 15:20

پر حقیقت تاں ایہ ہے جو مسیح مُردیاں ءچوں زندہ تھی گئے تے او مُردیاں ءچوں زندہ تھیوݨ آلیاں ءچوں پہلا پھل ہے۔

رومیوں 8:23

تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔

اعمال 23:8

کیوں جو صدوقی تاں آدھے ہَن جو قیامت نہ تھیسی تے نہ ای فرشتے کوئی چیز ہِن نہ رُوح، پر فریسی اِنہاں سبھ کُوں منیندے ہِن۔

1کُرِنتھِیوں 15:12

جڈاں مسیح دے مُردیاں ءچوں زندہ تھیوݨ دی تبلیغ کیتی ویندی ہے تاں تُہاڈے ءچوں کُجھ کِینویں اکھیندے ہِن جو مُردیاں دی قیامت نئیں ہوندی؟

1کُرِنتھِیوں 15:14

تے جے مسیح زندہ نئیں تھیّا تاں ساڈی تبلیغ دا کوئی فائدہ نئیں تے تُہاڈا اِیمان گِھن آوݨ وی بے فائدہ ہے۔