1کُرِنتھِیوں 15:10 - کِتاب مُقدّس سرائیکی ترجمہ

¹⁰ پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

1کُرِنتھِیوں 15:10 Referans Kwoze

فِلِپّیوں 4:13

مَیں یسُوع المسیح دے وسیلے جیہڑا میکُوں طاقت ڈیندے، سبھ کُجھ کر سگدا ہاں۔

2کُرِنتھِیوں 3:5

ایہ گالھ نئیں جو ساڈے ءچ کوئی لیاقت ہے جو اساں خود کُجھ کرݨ دا دعویٰ کر سگوں بلکہ ساڈی لیاقت خُدا دی طرفوں ہے،

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

گلتِیوں 2:8

کیوں جو خُدا جئیں یہُودیاں دے رسُول پطرس ءچ اثر پیدا کیتے اُوں ای غیر یہُودیاں کیتے میڈے ءچ اثر پیدا کیتے۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

1کُرِنتھِیوں 4:7

آخر تَیں ءچ تے ڈُوجھے ءچ فرق کوݨ کریندے؟ تیڈے ءچ کیہڑی خاص چیز ہے جیہڑی تیکُوں خُدا کنُوں نئیں مِلی؟ تے جڈاں تیکُوں مِلی ہے تاں فخر کیجھا جِینویں جو خود حاصل کیتی ہووے؟

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

رومیوں 11:1

اِیں واسطے مَیں پُچھدا ہاں، کیا خُدا آپنڑی قوم کُوں رَد کر ڈِتے؟ ہرگز نئیں! کیوں جو مَیں وی اِسرائیلی تے ابرہام دی نسل ءچوں ہاں تے بِنیمِین دے قبیلہ ءچوں ہاں۔

متّی 10:20

کیوں جو آکھنڑ آلے تُساں نئیں بلکہ تُہاڈے اسمانی باپ دا رُوح ہوسی جیہڑا تُہاڈے ءچوں بُولیسی۔

1کُرِنتھِیوں 3:6

مَیں بُوٹا لایا، اپُلّوس پانڑی ڈِتا پر ودھایا خُدا۔

1کُرِنتھِیوں 3:10

مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔

1کُرِنتھِیوں 15:11

بس بھانویں مَیں ہوواں بھانویں ڈُوجھے، اساں ہِکو خوشخبری دی تبلیغ کریندے ہیں تے اُوندے اُتے تُساں اِیمان وی گِھن آئے۔

1تھِسّلُنیکیوں 5:12

پیارے بِھراؤ! اساں تُہاکُوں درخاست کریندے ہیں جو جیہڑے تُہاڈے ءچ محنت کریندے ہِن تے خُداوند ءچ تُہاڈے راہنما ہِن تے تُہاکُوں نصیحت کریندے ہِن، اُنہاں دی قدر کرو۔

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

متّی 25:16

جِیں نوکر کُوں پنج تھیلے مِلے ہَن اُوں فوراً وَنج تے کاروبار کیتا تے پنج تھیلے بئے کَما گِھدے۔