1کُرِنتھِیوں 14:6 - کِتاب مُقدّس سرائیکی ترجمہ

⁶ بِھراؤ! جے مَیں تُہاڈے کولھ آ تے غیر زباناں ءچ گالھیں کراں پر تُہاڈے نال کہیں مُکاشفہ یا علم یا نبُوّت یا تعلیم دی گالھ نہ کراں تاں تُہاکُوں کیا فائدہ تھیسی؟

1کُرِنتھِیوں 14:6 Referans Kwoze

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

2 تِیمُتھِیُس 3:16

ہر ہِک مُقدّس صحیفہ خُدا دے اِلہام کنُوں ہے تے او تعلیم ڈیوݨ، ملامت کرݨ، اصلاح کرݨ تے راستبازی ءچ تربیت ڈیوݨ کیتے مفید ہے۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

1کُرِنتھِیوں 14:1

محبت دے طالب راہو تے رُوحانی نعمتاں دی وی سِک رکھو، خاص طور تے نبُوّت کرݨ دی نعمت دی۔

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

2 پطرس 1:5

اِیں واسطے تُساں پُوری کوشش کرو جو آپنڑے اِیمان نال نیکی تے نیکی نال علم،

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

فِلِپّیوں 3:15

اِیں واسطے ساڈے ءچوں جِتّی کامِل ہِن، اساں اِیہو خیال رکھوں۔ تے جے کہیں گالھ ءچ تُہاڈا بِیا خیال ہووے تاں خُدا اُونکُوں وی تُہاڈے اُتے ظاہر کر ڈیسی۔

اِفِسیوں 3:4

او پڑھ تے تُہاکُوں پتہ لگسی جو مَیں مسیح دے بھید کُوں سمجھدا ہاں۔

2کُرِنتھِیوں 12:7

پر زیادہ مُکاشفیاں دے سببّوں میڈے جِسم ءچ ہِک کنڈا پوڈ ڈِتا گئے یعنی شیطان دا قاصد جیہڑا میکُوں ستیندا راہندے تاں جو مَیں حد کنُوں زیادہ پُھنڈ نہ وَنجاں۔

2کُرِنتھِیوں 12:1

میڈا فخر کرݨ ضروری ہے۔ بھانویں اِیندا کوئی فائدہ نئیں، وَل وی مَیں خُداوند دی طرفوں مِلے ہوئے رویا تے مُکاشفیاں دا ذِکر کریساں۔

2کُرِنتھِیوں 11:6

بھانویں مَیں تقریر کرݨ ءچ ماہر نئیں، پر میڈے کولھ علم تاں ضرور ہے تے اِیندا ثبوت اساں تُہاکُوں ہر گالھ ءچ تے ہر طرحاں ڈے ڈِتے۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

متّی 11:25

اُوں ویلے یسُوع آکھیا، ”اے باپ، اسمان تے زمین دے مالک، مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں تے بالاں اُتے ظاہر کیتیاں۔

1کُرِنتھِیوں 14:7

جے بانسری یا بربط جِیہے بے جان سازاں کُوں وجیندے ویلے اُنہاں اوازاں ءچ فرق نہ ہووے تاں اُنہاں ءچوں نِکلنڑ آلے سُر کِینویں پچھانڑے ویسن؟