1کُرِنتھِیوں 14:4 - کِتاب مُقدّس سرائیکی ترجمہ

⁴ جیہڑا کوئی غیر زبان ءچ گالھیں کریندے او آپنڑی ترقی کیتے کریندے۔ پر جیہڑا نبُوّت کریندے او کلیسیا دی ترقی کیتے کریندے۔

1کُرِنتھِیوں 14:4 Referans Kwoze

1کُرِنتھِیوں 14:22

بس غیر زباناں اِیمانداراں کیتے نئیں بلکہ غیر اِیمانداراں کیتے نشان ہِن۔ تے نبُوّت غیر اِیمانداراں کیتے نئیں بلکہ اِیمانداراں کیتے ہے۔

1کُرِنتھِیوں 14:26

بِھراؤ! وَل کیا کرنڑا چاہیدے؟ جِیں ویلے تُساں عبادت کیتے جمع تھیندے ہیوے تاں ہر ہِک دے دل ءچ کوئی زبُور یا تعلیم یا مُکاشفہ یا غیر زبان یا اُوندا ترجمہ ہوندے۔ بس سبھ کُجھ رُوحانی ترقی کیتے ہوونڑا چاہیدے۔

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

1کُرِنتھِیوں 14:12

اِینویں ای تُساں وی جیہڑے رُوحانی نعمتاں دی سِک رکھیندے ہیوے، اُنہاں نعمتاں ءچ ماہر بنڑݨ دی کوشش کرو جِنہاں نال کلیسیا دی ترقی تھیوے۔

1کُرِنتھِیوں 14:5

مَیں چاہندا ہاں جو تُساں سارے غیر زباناں ءچ گالھیں کرو پر اِیں تُوں زیادہ ایہ چاہندا ہاں جو نبُوّت کرو۔ جے غیر زباناں بولنڑ آلا کلیسیا دی ترقی کیتے ترجمہ نہ کرے تاں نبُوّت کرݨ آلا اُوں کنُوں وڈا ہے۔

1کُرِنتھِیوں 14:3

پر جیہڑا نبُوّت کریندے او لوکاں کُوں اُنہاں دی ترقی، نصیحت تے تسلی دے گالھیں آدھے۔

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 13:1

جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔