1کُرِنتھِیوں 14:37 - کِتاب مُقدّس سرائیکی ترجمہ

³⁷ جے کوئی آپنڑے آپ کُوں نبی یا رُوحانی سمجھے تاں اُونکُوں پتہ ہوونڑاں چاہیدے جو جیہڑا کُجھ مَیں لِکھدا ہاں خُداوند دا حُکم ہے۔

1کُرِنتھِیوں 14:37 Referans Kwoze

1 یُوحنّا 4:6

پر اساں خُدا کنُوں ہیں تے جیہڑا کوئی خُدا کُوں جانڑدے او ساڈی سُنڑدے۔ پر جیہڑا خُدا کنُوں نئیں او ساڈی نئیں سُنڑدا۔ اِینویں اساں سچائی دی رُوح تے گُمراہ کرݨ آلی رُوح ءچ فرق کر سگدے ہیں۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

یہُوداہ 1:17

پر عزیزو! اُنہاں گالھیں کُوں یاد رکھو جیہڑیاں ساڈے خُداوند یسُوع مسیح دے رسُول پہلے ای آکھ چُکے ہِن۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

2کُرِنتھِیوں 10:12

کیوں جو ساڈی جُرأت نئیں جو اساں آپنڑے آپ کُوں اُنہاں ءچ شمار کرُوں یا اُنہاں نال آپنڑا مُقابلہ کرُوں جیہڑے ہمیشاں آپنڑے ای مُنہ کنُوں آپنڑی تعریف کریندے ہِن۔ جڈاں او آپنڑے آپ کُوں معیار بنڑا تے آپنڑے آپ کُوں پرکھدے ہِن تے آپنڑا ہِک بئے نال موازنہ کریندے ہِن، تاں او کِتنے نادان ہِن۔

1کُرِنتھِیوں 8:2

جیہڑا وی سمجھدا ہے جو او کُجھ جانڑدا ہے تاں او ہُنڑ تئیں اُونویں نئیں جانڑدا جِینویں جاننڑاں چاہیدے۔

1کُرِنتھِیوں 7:40

پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

1کُرِنتھِیوں 2:15

جیندے ءچ رُوح القُدس ہے او سبھ کُجھ پرکھ گِھندے پر او خود کہیں کنُوں پرکھیا نئیں ویندا جِینویں جو لِکھیا ہے

1کُرِنتھِیوں 3:1

بِھراؤ! مَیں تُہاڈے نال اِینویں گالھیں نہ کر سگیا جِینویں رُوحانی لوکاں نال کیتیاں ویندیاں ہِن، بلکہ جِینویں جسمانی لوکاں نال جیہڑے اجنڑ تئیں مسیح ءچ بال ہِن۔

1کُرِنتھِیوں 14:29

نبیاں ءچوں ڈُو یا ترے کلام کرݨ تے باقی اُنہاں دے کلام کُوں پرکھنڑ۔

1کُرِنتھِیوں 14:36

کیا خُدا دا کلام تُہاڈے تُوں شروع تھیّا ہے یا صرف تُہاڈے تئیں پُجیا ہے؟

1کُرِنتھِیوں 14:38

جے کوئی اِینکُوں نظر انداز کرے تاں اُونکُوں وی نظر انداز کیتا ویسی۔