1کُرِنتھِیوں 14:29 - کِتاب مُقدّس سرائیکی ترجمہ

²⁹ نبیاں ءچوں ڈُو یا ترے کلام کرݨ تے باقی اُنہاں دے کلام کُوں پرکھنڑ۔

1کُرِنتھِیوں 14:29 Referans Kwoze

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

1کُرِنتھِیوں 14:39

بس بِھراؤ! نبُوّت کرݨ دی سِک رکھو تے غیر زباناں بولنڑ تُوں کہیں کُوں منع نہ کرو۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

1کُرِنتھِیوں 14:28

جے کوئی ترجمہ کرݨ آلا نہ ہووے تاں غیر زبان بولنڑ آلا جماعت ءچ چُپ راہوے تے دل ای دل ءچ خُدا نال گالھیں کرے۔

1کُرِنتھِیوں 14:30

پر جے ہِک دے کلام کریندے ویلے کہیں ڈُوجھے اُتے اِلہام نازل تھیوے تاں پہلا بندہ چُپ تھی ونجے۔

1کُرِنتھِیوں 14:32

نبیاں دیاں رُوحاں نبیاں دے تابع ہوندیاں ہِن،

1کُرِنتھِیوں 14:37

جے کوئی آپنڑے آپ کُوں نبی یا رُوحانی سمجھے تاں اُونکُوں پتہ ہوونڑاں چاہیدے جو جیہڑا کُجھ مَیں لِکھدا ہاں خُداوند دا حُکم ہے۔