1کُرِنتھِیوں 14:27 - کِتاب مُقدّس سرائیکی ترجمہ

²⁷ جے غیر زبان ءچ گالھیں کرو تاں ڈُو یا زیادہ تُوں زیادہ ترے بندے واری واری بولنڑ تے کوئی اُوندا ترجمہ کرے۔

1کُرِنتھِیوں 14:27 Referans Kwoze

1کُرِنتھِیوں 14:26

بِھراؤ! وَل کیا کرنڑا چاہیدے؟ جِیں ویلے تُساں عبادت کیتے جمع تھیندے ہیوے تاں ہر ہِک دے دل ءچ کوئی زبُور یا تعلیم یا مُکاشفہ یا غیر زبان یا اُوندا ترجمہ ہوندے۔ بس سبھ کُجھ رُوحانی ترقی کیتے ہوونڑا چاہیدے۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

1کُرِنتھِیوں 14:2

کیوں جو جیہڑا کوئی غیر زبان ءچ گالھیں کریندے او اِنسان نال نئیں بلکہ خُدا نال گالھیں کریندے، اِیں واسطے جو اُوندی گالھ کوئی نئیں سمجھدا۔ او رُوح القُدس دی قُدرت نال غیب دی گالھ آدھے۔

1کُرِنتھِیوں 14:5

مَیں چاہندا ہاں جو تُساں سارے غیر زباناں ءچ گالھیں کرو پر اِیں تُوں زیادہ ایہ چاہندا ہاں جو نبُوّت کرو۔ جے غیر زباناں بولنڑ آلا کلیسیا دی ترقی کیتے ترجمہ نہ کرے تاں نبُوّت کرݨ آلا اُوں کنُوں وڈا ہے۔

1کُرِنتھِیوں 14:13

اِیں واسطے جیہڑا کوئی غیر زبان ءچ گالھیں کریندے، او دُعا کرے جو او اُوندا ترجمہ وی کر سگے۔

1کُرِنتھِیوں 14:28

جے کوئی ترجمہ کرݨ آلا نہ ہووے تاں غیر زبان بولنڑ آلا جماعت ءچ چُپ راہوے تے دل ای دل ءچ خُدا نال گالھیں کرے۔