1کُرِنتھِیوں 14:16 - کِتاب مُقدّس سرائیکی ترجمہ

¹⁶ نہ تاں جے تُوں صرف رُوح نال ای خُدا دی تعریف کریں تاں ناواقف بندہ تیڈی شُکرگزاری اُتے کِینویں ”آمین“ اکھیسی؟ کیوں جو او نئیں جانڑدا جو تُوں کیا آدھیں۔

1کُرِنتھِیوں 14:16 Referans Kwoze

مُکاشفہ 5:14

تے چارے جانداراں آکھیا، ”آمین“ تے بزُرگاں ڈھے تے سجدہ کیتا۔

1کُرِنتھِیوں 11:24

تے شُکر کر تے تروڑی تے آکھیا، ”ایہ میڈا بدن ہے جیہڑا تُہاڈے کیتے ڈِتا ویندے۔ میڈی یادگاری کیتے اِیہو کیتا کرو۔“

مُکاشفہ 7:12

آکھنڑ لگے ”آمین! حمد تے جلال تے حِکمت تے شُکر تے عزت تے قُدرت تے طاقت ہمیشاں تئیں ساڈے خُدا دی ہووے۔ آمین۔“

مُکاشفہ 22:20

اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

1کُرِنتھِیوں 16:24

میڈی محبت مسیح یسُوع ءچ تُساں سبھ نال راہوے۔ (آمین۔)

1کُرِنتھِیوں 14:14

کیوں جو جے مَیں غیر زبان ءچ دُعا کراں تاں میڈی رُوح تاں دُعا کریندی ہے پر میڈی عقل کُجھ نئیں کریندی۔

1کُرِنتھِیوں 14:2

کیوں جو جیہڑا کوئی غیر زبان ءچ گالھیں کریندے او اِنسان نال نئیں بلکہ خُدا نال گالھیں کریندے، اِیں واسطے جو اُوندی گالھ کوئی نئیں سمجھدا۔ او رُوح القُدس دی قُدرت نال غیب دی گالھ آدھے۔

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

یُوحنّا 21:25

بئے وی بہُوں سارے کم ہِن جیہڑے یسُوع کیتے۔ جے ہر ہِک دے بارے ءچ لِکھیا ویندا تاں مَیں سمجھدا ہاں جو جیہڑیاں کتاباں لِکھیاں ویندیاں اُنہاں کیتے دُنیا ءچ جاہ نہ ہوندی۔

یُوحنّا 7:15

یہُودی حیران تھی تے آکھنڑ لگے جو ”اِیں کُوں بغیر پڑھے علم کِتھوں آ گِیا؟“

مرقس 16:20

وَل شاگرداں نِکل تے جاہ جاہ تبلیغ کیتی، تے خُداوند اُنہاں دے نال کم کریندا ریہا، تے اُنہاں معجزیاں دے وسیلے نال جیہڑے نال نال تھیندے ہَن کلام کُوں ثابت کریندا ریہا۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

متّی 15:36

تے وَل اُوں سَت روٹیاں تے مچھیاں گِھدیاں تے شُکر کر تے تروڑیاں تے شاگرداں کُوں ڈیندا گِیا تے شاگرد لوکاں کُوں۔

2کُرِنتھِیوں 1:20

کیوں جو خُدا دے سارے وعدے مسیح ءچ ”ہاں“ دے نال پُورے کیتے گئے ہِن۔ اِیں واسطے اساں اُوندے وسیلے نال ”آمین“ آدھے ہیں تاں جو ساڈے وسیلے خُدا دا جلال ظاہر تھیوے۔