1کُرِنتھِیوں 14:15 - کِتاب مُقدّس سرائیکی ترجمہ

¹⁵ اِیں واسطے کیا کرنڑا چاہیدے؟ مَیں رُوح نال وی دُعا کریساں تے عقل نال وی دُعا کریساں، رُوح نال وی حمد کریساں تے عقل نال وی حمد کریساں۔

1کُرِنتھِیوں 14:15 Referans Kwoze

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

1کُرِنتھِیوں 14:19

پر کلیسیا ءچ ڈاہ ہزار گالھیں غیر زبان ءچ کرݨ تُوں میکُوں ایہ زیادہ پسند ہے جو ڈُوجھیاں دی تعلیم کیتے صرف پنج گالھیں عقل نال کراں۔

1کُرِنتھِیوں 10:19

کیا میڈا مطلب ایہ ہے جو بُت کوئی چیز ہِن یا بُتاں دی قُربانی کوئی چیز ہے؟

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

فِلِپّیوں 1:18

پر کیا فرق پِیا، اہم گالھ ایہ ہے جو مسیح دی خوشخبری تاں سُنڑائی ویندی ہے بھانویں بُری نیّت نال یا نیک نیّت نال تے مَیں اِیں گالھ کنُوں خوش ہاں۔ تے مَیں خوش راہساں

رومیوں 8:31

بس اساں اِنہاں گالھیں دے بارے ءچ کیا آکھوں؟ جے خُدا ساڈے پاسے ہے تاں کوݨ ساڈا مخالف تھی سگدے؟

اعمال 21:22

بس ہُنڑ کیا کیتا ونجے؟ کیوں جو او ضرور سُنڑسن جو تُوں اِتھاں آ گِیا ہیں۔

1کُرِنتھِیوں 14:14

کیوں جو جے مَیں غیر زبان ءچ دُعا کراں تاں میڈی رُوح تاں دُعا کریندی ہے پر میڈی عقل کُجھ نئیں کریندی۔

1کُرِنتھِیوں 14:26

بِھراؤ! وَل کیا کرنڑا چاہیدے؟ جِیں ویلے تُساں عبادت کیتے جمع تھیندے ہیوے تاں ہر ہِک دے دل ءچ کوئی زبُور یا تعلیم یا مُکاشفہ یا غیر زبان یا اُوندا ترجمہ ہوندے۔ بس سبھ کُجھ رُوحانی ترقی کیتے ہوونڑا چاہیدے۔

یعقُوب 5:13

جے تُہاڈے ءچوں کوئی مُصیبت ءچ ہے تاں اُونکُوں چاہیدے جو دُعا کرے، تے جیہڑا خوش ہے، او حمد دے گیت گاوے۔