1کُرِنتھِیوں 13:8 - کِتاب مُقدّس سرائیکی ترجمہ

⁸ محبت کڈھائیں ختم نئیں تھیندی پر نبُوّتاں ختم تھی ویسن، غیر زباناں مُک ویسن تے علم ختم تھی ویسی۔

1کُرِنتھِیوں 13:8 Referans Kwoze

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

اعمال 2:4

تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

عبرانیوں 8:13

خُدا ”نویں عہد“ دا ذِکر کر تے پہلے کُوں پُرانڑا قرار ڈِتا۔ تے جیہڑی چیز پہلے دی ہے او پُرانڑی تے ناکارہ ہے، او جلدی ختم تھی ویسی۔

1کُرِنتھِیوں 13:10

پر جِیں ویلے کامِل آسی تاں نامکمل چیزاں ویندیاں راہسن۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

اعمال 19:6

جِیں ویلے پولُس اُنہاں اُتے ہتھ رکھے تاں رُوح القُدس اُنہاں اُتے نازل تھیّا تے او غیر زباناں بولنڑ تے نبُوّت کرݨ لگے۔

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

1کُرِنتھِیوں 14:39

بس بِھراؤ! نبُوّت کرݨ دی سِک رکھو تے غیر زباناں بولنڑ تُوں کہیں کُوں منع نہ کرو۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

1کُرِنتھِیوں 8:2

جیہڑا وی سمجھدا ہے جو او کُجھ جانڑدا ہے تاں او ہُنڑ تئیں اُونویں نئیں جانڑدا جِینویں جاننڑاں چاہیدے۔