1کُرِنتھِیوں 12:6 - کِتاب مُقدّس سرائیکی ترجمہ

⁶ خُدا دے کم طرحاں طرحاں دے ہِن، پر خُدا ہِک ای ہے جیہڑا ساریاں ءچ ہر طرحاں دا اثر پیدا کریندے۔

1کُرِنتھِیوں 12:6 Referans Kwoze

1کُرِنتھِیوں 12:11

ایہ ساریاں نعمتاں اُوہو ہِک ای رُوح القُدس ڈیندے تے ہر ہِک کُوں آپنڑی مرضی دے مطابق ونڈیندے۔

1کُرِنتھِیوں 3:7

نہ لاوݨ آلا کُجھ ہے، نہ پانڑی ڈیوݨ آلا، پر خُدا سبھ کُجھ ہے جیہڑا اُونکُوں ودھاوݨ آلا ہے۔

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

اِفِسیوں 4:6

تے خُدا وی ہِک ہے جیہڑا ساریاں دا باپ ہے۔ اُوہو ساریاں دے اُتے، ساریاں دے نال تے ساریاں دے اندر ہے۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

1کُرِنتھِیوں 15:28

بلکہ جِیں ویلے سبھ کُجھ پوتر دے تابع تھی ویسی تاں پوتر خود وی خُدا دے تابع تھی ویسی جئیں سبھ کُجھ پوتر دے تابع کر ڈِتے تاں جو خُدا ای ہر لحاظ نال سبھ کُجھ ہووے۔

1کُرِنتھِیوں 12:5

خدمتاں وی طرحاں طرحاں دیاں ہِن، پر خُداوند ہِک ای ہے۔