1کُرِنتھِیوں 12:31 - کِتاب مُقدّس سرائیکی ترجمہ

³¹ پر تُساں اعلیٰ نعمتاں گِھننڑ دی سِک ءچ راہو۔ پر ہُنڑ مَیں تُہاکُوں سبھ تُوں چنگا طریقہ ڈسیندا ہاں۔

1کُرِنتھِیوں 12:31 Referans Kwoze

1کُرِنتھِیوں 13:1

جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔

1کُرِنتھِیوں 14:39

بس بِھراؤ! نبُوّت کرݨ دی سِک رکھو تے غیر زباناں بولنڑ تُوں کہیں کُوں منع نہ کرو۔

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

فِلِپّیوں 3:8

بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

عبرانیوں 11:4

اِیمان دی وجہ کنُوں ای ہابل خُدا کُوں قائن کنُوں بہتر قُربانی پیش کیتی۔ اُوندے اِیمان دی وجہ تُوں خُدا اُوندے نذرانے قبول کر تے گواہی ڈِتی جو ایہ راستباز ہے۔ تے بھانویں جو ہابل مر گئے، وَل وی او آپنڑے اِیمان دی مثال دے وسیلے نال ہُنڑ تئیں کلام کریندے۔

لُوقا 10:42

پر ہِک چیز ضرور ہے تے مریم او چنگا حصہ چُنڑ گِھدے جیہڑا اُوں کنُوں کھسیا نہ ویسی۔“

1کُرِنتھِیوں 14:1

محبت دے طالب راہو تے رُوحانی نعمتاں دی وی سِک رکھو، خاص طور تے نبُوّت کرݨ دی نعمت دی۔