1کُرِنتھِیوں 12:26 - کِتاب مُقدّس سرائیکی ترجمہ

²⁶ جے بدن دا ہِک اَنگ ڈُکھدے تاں سارے اَنگ اُوندے نال ڈُکھدے ہِن۔ تے جے ہِک اَنگ کُوں عزت مِلدی ہے تاں سارے اَنگ اُوندے نال خوشی منیندے ہِن۔

1کُرِنتھِیوں 12:26 Referans Kwoze

رومیوں 12:15

خوشی مناوݨ آلیاں نال خوشی مناؤ، رووݨ آلیاں نال روؤ۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

عبرانیوں 13:3

تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

1کُرِنتھِیوں 12:25

تاں جو بدن ءچ تفرقہ نہ ہووے بلکہ اَنگ ہِک ڈُوجھے دی برابر فِکر رکھنڑ۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔