1کُرِنتھِیوں 12:11 - کِتاب مُقدّس سرائیکی ترجمہ

¹¹ ایہ ساریاں نعمتاں اُوہو ہِک ای رُوح القُدس ڈیندے تے ہر ہِک کُوں آپنڑی مرضی دے مطابق ونڈیندے۔

1کُرِنتھِیوں 12:11 Referans Kwoze

1کُرِنتھِیوں 12:4

نعمتاں تاں طرحاں طرحاں دیاں ہِن، پر رُوح القُدس ہِکو ہے۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔

2کُرِنتھِیوں 10:13

پر اساں مناسب حد تُوں زیادہ فخر نہ کریسوں بلکہ صرف اُوں خدمت دی حدود دے مطابق فخر کریسوں جیہڑی خُدا ساڈے کیتے مقرر کیتی ہے، جیندے ءچ تُساں وی آ گئے ہیوے۔

اِفِسیوں 4:7

پر ساڈے ءچوں ہر ہِک کُوں مسیح دی بخشش دے مطابق مختلف نعمتاں مِلیاں ہِن۔

1کُرِنتھِیوں 12:6

خُدا دے کم طرحاں طرحاں دے ہِن، پر خُدا ہِک ای ہے جیہڑا ساریاں ءچ ہر طرحاں دا اثر پیدا کریندے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

1کُرِنتھِیوں 7:17

پر جِینویں خُداوند ہر بندے کُوں مقرر کیتا ہے تے جِینویں خُدا ہر ہِک کُوں سڈیا ہے، اُونویں ای او ٹُرے۔ مَیں یکے کلیسیاواں ءچ اِیہو اصُول مقرر کریندا ہاں۔

1کُرِنتھِیوں 7:7

مَیں تاں چاہندا ہاں جو جِینویں مَیں ہاں سارے بندے اُونویں ہووݨ۔ پر ہر ہِک کُوں خُدا دی طرفوں اَنج اَنج نعمت مِلی ہے، کہیں کُوں کوئی، کہیں کُوں کوئی۔

رومیوں 12:6

تے خُدا دا جیہڑا فضل ساڈے اُتے تھیّا ہے اُوندے مطابق ساکُوں طرحاں طرحاں دیاں نعمتاں مِلیاں ہِن۔ اِیں واسطے جِینکُوں نبُوّت کرݨ دی نعمت مِلی ہووے، او آپنڑے اِیمان دے مطابق نبُوّت کرے۔

رومیوں 9:18

بس خُدا جئیں اُتے چاہندے رحم کریندے تے جِینکُوں چاہندے اُونکُوں سخت کریندے۔

یُوحنّا 5:21

کیوں جو جِینویں باپ مُردیاں کُوں زندہ کر تے زندگی ڈیندے، اُونویں ای پوتر وی جِنہاں کُوں چاہندے زندگی ڈیندے۔

یُوحنّا 3:27

یُوحنّا جواب ءچ آکھیا، ”اِنسان کُوں کُجھ نئیں مِل سگدا جئیں تئیں اُونکُوں اسمان دی طرفوں نہ ڈِتا ونجے۔

یُوحنّا 3:8

ہوا جیہڑے پاسُوں چاہندی ہے گُھل ویندی ہے۔ تُوں اُوندی اواز سُنڑدا ہیں پر ایہ نئیں جانڑدا جو او کِتھوں آندی ہے تے کِتھاں ویندی ہے۔ رُوح کنُوں پیدا تھیوݨ آلے بندے دا حال اِیہو ہے۔“

متّی 20:15

کیا میکُوں ایہ حق نئیں جو آپنڑے مال نال جیہڑا کُجھ چاہواں کراں؟ یا تیکُوں میڈی نیکی بُری لگدی ہے؟‘

متّی 11:26

ہاں باپ، کیوں جو تیڈی نظر ءچ اِیہو چنگا ہا۔

1کُرِنتھِیوں 12:18

پر سچ ایہ ہے جو خُدا ہر اَنگ کُوں بدن ءچ آپنڑی مرضی دے مطابق رکھیا ہے۔