1کُرِنتھِیوں 11:2 - کِتاب مُقدّس سرائیکی ترجمہ

² مَیں تُہاڈی تعریف کریندا ہاں جو تُساں ہر گالھ ءچ میکُوں یاد رکھیندے تے اُنہاں تعلیمات کُوں قائم رکھیندے ہیوے جیہڑیاں مَیں تُہاکُوں پُچائیاں۔

1کُرِنتھِیوں 11:2 Referans Kwoze

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

1کُرِنتھِیوں 11:22

کیا کھاوݨ تے پِیوݨ کیتے تُہاڈے گھر نئیں؟ یا کیا تُساں خُدا دی کلیسیا کُوں ناچیز سمجھ تے جِنہاں کولھ کُجھ نئیں اُنہاں کُوں شرمندہ کریندے ہیوے؟ مَیں تُہاکُوں کیا آکھاں؟ کیا اِیں کیتے تُہاڈی تعریف کراں؟ مَیں تُہاڈی تعریف نئیں کر سگدا۔

1کُرِنتھِیوں 11:17

ہُنڑ جیہڑی ہدایت مَیں تُہاکُوں کریندا ہاں اُوندے ءچ تُہاڈے کیتے تعریف دی کوئی گالھ نئیں، کیوں جو تُہاڈا عبادت کیتے جمع تھیوݨ فائدہ نئیں بلکہ نُقصان دا سبب ہے۔

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

1تھِسّلُنیکیوں 3:6

پر ہُنڑ تِیمُتِھیُس تُہاڈے کولُھوں اِتھاں وَل آیا ہے تے تُہاڈے اِیمان تے محبت دے بارے ءچ چنگی خبر ڈِتی ہے۔ اُوں ڈسائے جو تُساں ہمیشاں ساکُوں پیار نال یاد کریندے ہیوے تے ساکُوں مِلنڑ دی ایجھی سِک رکھیندے ہیوے جِینویں اساں تُہاڈے کیتے رکھیندے ہیں۔

1کُرِنتھِیوں 7:17

پر جِینویں خُداوند ہر بندے کُوں مقرر کیتا ہے تے جِینویں خُدا ہر ہِک کُوں سڈیا ہے، اُونویں ای او ٹُرے۔ مَیں یکے کلیسیاواں ءچ اِیہو اصُول مقرر کریندا ہاں۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔