1کُرِنتھِیوں 11:16 - کِتاب مُقدّس سرائیکی ترجمہ

¹⁶ جے کوئی اِیندے اُتے بحث کرݨ چاہندے تاں او جاݨ گِھنے جو نہ ساڈا ایجھا دستور ہے نہ خُدا دی کلیسیاواں دا۔

1کُرِنتھِیوں 11:16 Referans Kwoze

1کُرِنتھِیوں 7:17

پر جِینویں خُداوند ہر بندے کُوں مقرر کیتا ہے تے جِینویں خُدا ہر ہِک کُوں سڈیا ہے، اُونویں ای او ٹُرے۔ مَیں یکے کلیسیاواں ءچ اِیہو اصُول مقرر کریندا ہاں۔

1تھِسّلُنیکیوں 2:14

کیوں جو بِھراؤ، تُساں وی خُدا دیاں اُنہاں کلیسیاواں وانگُوں بنڑ گئے جیہڑیاں یہُودیہ صوبے ءچ مسیح یسُوع ءچ ہِن۔ کیوں جو تُساں آپنڑے ہم وطناں دے ہتُھوں اُوہو تکلیفاں چاتیاں جیہڑیاں اُنہاں یہُودیاں کنُوں چاتیاں ہَن۔

اعمال 21:24

اُنہاں کُوں آپنڑے نال گِھن وَنج تے اُنہاں نال رَل تے پاک تھیوݨ دیاں ساریاں رسماں کُوں پُورا کر، تے اُنہاں دا خرچا وی چا تاں جو او آپنڑے سر مُنوا سگنڑ۔ وَل ہر کہیں کُوں پتہ چل ویسی جو جیہڑے گالھیں تیڈے خلاف کیتیاں گئیاں ہِن او کُوڑیاں ہِن بلکہ تُوں خود وی شریعت اُتے عمل کر تے زندگی گُزریندا ہیں۔

اعمال 21:21

اُنہاں کُوں ایہ ڈسایا گِیا ہے جو تُوں غیر قوماں ءچ راہنڑ آلے یہُودیاں کُوں مُوسیٰ کُوں چھوڑ ڈیوݨ دی تعلیم ڈیندا ہیں جو بالاں دا ختنہ نہ کرو تے رسماں کُوں نہ منّو۔

1کُرِنتھِیوں 16:1

جیہڑا چندہ مُقدّساں کیتے جمع کیتا ویندے اُوندے بارے ءچ تُساں اِیں ہدایت اُتے عمل کرو جیہڑی مَیں گلِتیہ دیاں کلیسیاواں کُوں کیتی ہے،

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

1کُرِنتھِیوں 9:6

کیا صرف میڈے تے برنباس کیتے ضروری ہے جو خدمت کرݨ دے نال نال محنت کر تے آپنڑا گُزارا کرُوں ؟

1کُرِنتھِیوں 11:15

پر جے عورت لمبے وال رکھے تاں ایہ اُوندے کیتے شان دی گالھ ہے کیوں جو لمبے وال اُونکُوں پڑدے کیتے ڈِتے گئے ہِن۔