1کُرِنتھِیوں 10:32 - کِتاب مُقدّس سرائیکی ترجمہ

³² تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔

1کُرِنتھِیوں 10:32 Referans Kwoze

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

اعمال 20:28

بس آپنڑا تے آپنڑے سارے اِجڑ دا خیال رکھو جیندے تُساں رُوح القُدس دی طرفوں نگہبان مقرر کیتے گئے ہیوے تاں جو خُدا دی کلیسیا دی نگہبانی کرو، جِینکُوں اُوں آپنڑے پوتر دے خون نال مُل گِھدے۔

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

2کُرِنتھِیوں 6:3

اساں کہیں وی گالھ ءچ تُھڈا کھاوݨ دا سبب نئیں بنڑدے تاں جو ساڈی اِیں خدمت اُتے کوئی انگل نہ چاوے۔

1کُرِنتھِیوں 8:13

اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

اعمال 24:16

اِیں واسطے میڈی تاں اِیہو کوشش راہندی ہے جو خُدا تے اِنسان ڈوہائیں دے سامنڑے میڈی نیّت نیک راہوے۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

1کُرِنتھِیوں 11:22

کیا کھاوݨ تے پِیوݨ کیتے تُہاڈے گھر نئیں؟ یا کیا تُساں خُدا دی کلیسیا کُوں ناچیز سمجھ تے جِنہاں کولھ کُجھ نئیں اُنہاں کُوں شرمندہ کریندے ہیوے؟ مَیں تُہاکُوں کیا آکھاں؟ کیا اِیں کیتے تُہاڈی تعریف کراں؟ مَیں تُہاڈی تعریف نئیں کر سگدا۔

1 تِیمُتھِیُس 3:5

کیوں جو جے کوئی آپنڑے ای گھر کُوں نئیں سنبھال سگدا تاں او خُدا دی کلیسیا دی ڈیکھ بھال کِینویں کریسی؟

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 7:17

پر جِینویں خُداوند ہر بندے کُوں مقرر کیتا ہے تے جِینویں خُدا ہر ہِک کُوں سڈیا ہے، اُونویں ای او ٹُرے۔ مَیں یکے کلیسیاواں ءچ اِیہو اصُول مقرر کریندا ہاں۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 15:9

کیوں جو مَیں رسُولاں ءچوں ساریاں کنُوں کمتر ہاں بلکہ رسُول اکھواوݨ دے لائق وی نئیں، اِیں واسطے جو مَیں خُدا دی کلیسیا کُوں سَتیندا ہم۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

گلتِیوں 1:13

تُساں تاں سُنڑیا ہے جو جِیں ویلے مَیں یہُودی طور طریقے دا پابند ہم تاں میڈا چال چلنڑ کیجھا ہا۔ مَیں خُدا دی کلیسیا کُوں کِینویں حد تُوں زیادہ ستیندا تے اُنہاں کُوں تباہ کرݨ دی کوشش کریندا ہم۔

فِلِپّیوں 3:6

تے میں اِتنا غیرت مند ہم جو کلیسیا کُوں ستیندا ہم تے شریعت دی راستبازی دے اعتبار نال بے اِلزام ہم۔

1تھِسّلُنیکیوں 2:14

کیوں جو بِھراؤ، تُساں وی خُدا دیاں اُنہاں کلیسیاواں وانگُوں بنڑ گئے جیہڑیاں یہُودیہ صوبے ءچ مسیح یسُوع ءچ ہِن۔ کیوں جو تُساں آپنڑے ہم وطناں دے ہتُھوں اُوہو تکلیفاں چاتیاں جیہڑیاں اُنہاں یہُودیاں کنُوں چاتیاں ہَن۔