1کُرِنتھِیوں 10:16 - کِتاب مُقدّس سرائیکی ترجمہ

¹⁶ جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟

1کُرِنتھِیوں 10:16 Referans Kwoze

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

اعمال 20:7

ہفتے دے پہلے ڈینہہ جِیں ویلے اساں خُداوند دی یادگاری ءچ روٹی تروڑن کیتے کٹھے تھئے تاں پولُس لوکاں نال گالھ کرݨ لگا۔ اُوں ڈُوجھے ڈینہہ اُتھوں کنُوں روانہ تھیونڑا ہا، اِیں واسطے او رات دیر تئیں کلام کریندا ریہا۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

اعمال 20:11

وَل اُوں، اُتے وَنج تے روٹی تروڑی تے ساریاں نال رَل تے کھادی۔ وَل او سوجھلا تھیوݨ تئیں اُنہاں نال گالھیں کرݨ تُوں بعد اُتھوں کنُوں روانہ تھی گِیا۔

لُوقا 22:17

وَل اُوں پیالہ گِھن تے خُدا دا شُکر کیتا تے آکھیا، ”اِینکُوں گِھن تے آپس ءچ وَنڈ گِھنو۔

1کُرِنتھِیوں 10:15

مَیں تُہاکُوں سمجھ دار جاݨ تے ایہ گالھیں آدھا ہاں۔ تُساں خود میڈے گالھیں کُوں پرکھو۔