1کُرِنتھِیوں 10:15 - کِتاب مُقدّس سرائیکی ترجمہ

¹⁵ مَیں تُہاکُوں سمجھ دار جاݨ تے ایہ گالھیں آدھا ہاں۔ تُساں خود میڈے گالھیں کُوں پرکھو۔

1کُرِنتھِیوں 10:15 Referans Kwoze

1تھِسّلُنیکیوں 5:21

بلکہ ہر گالھ کُوں ازماؤ۔ جیہڑی چنگی ہووے اُونکُوں پکڑی راہو۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1کُرِنتھِیوں 11:13

تُساں خود ای فیصلہ کرو، کیا کہیں عورت دا سر کجے بغیر خُدا کنُوں دُعا کرݨ مناسب ہے؟

1کُرِنتھِیوں 6:5

مَیں تُہاکُوں شرمندہ کرݨ کیتے ایہ آدھا ہاں۔ کیا واقعی تُہاڈے ءچ ہِک وی عقل مند نئیں جیہڑا آپنڑے بِھرانواں دا فیصلہ کر سگے؟

1کُرِنتھِیوں 4:10

اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

1کُرِنتھِیوں 10:14

اِیں واسطے عزیزو! بُت پرستی کنُوں بھجو۔

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟