1کُرِنتھِیوں 10:13 - کِتاب مُقدّس سرائیکی ترجمہ

¹³ تُہاڈے اُتے ایجھی ازمائش نئیں آئی جیہڑی تُہاڈی برداشت تُوں باہر ہووے۔ تے خُدا وفادار ہے، او تُہاڈی برداشت کنُوں زیادہ سخت ازمائش تُہاڈے اُتے نہ آوݨ ڈیسی۔ بلکہ جِیں ویلے ازمائش آسی تاں او اُوں کنُوں بچ نِکلنڑ دی راہ وی پیدا کر ڈیسی تاں جو تُساں برداشت کر سگو۔

1کُرِنتھِیوں 10:13 Referans Kwoze

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

2 تِیمُتھِیُس 4:18

خُداوند میکُوں ہر بُرے حملے کنُوں بچیسی تے سلامتی نال آپنڑی اسمانی بادشاہی ءچ پُچیسی۔ اُوندی تعریف ہمیشاں تئیں تھیندی راہوے۔ آمین۔

2تھِسّلُنیکیوں 3:3

پر خُداوند وفادار ہے۔ او تُہاکُوں مضبوط کریسی تے شیطان کنُوں محفوظ رکھیسی۔

عبرانیوں 12:4

تُساں گُناہ نال لڑن ءچ حالی تئیں ایجھا مُقابلہ نئیں کیتا جو تُہاڈا خون وِیہہ گِیا ہووے۔

1تھِسّلُنیکیوں 5:24

تُہاکُوں سڈݨ آلا وفادار ہے تے او اِینویں ای کریسی۔

لُوقا 22:46

تے اُنہاں کُوں آکھیا، ”تُساں کیوں سُتے پئے ہیوے؟ اُٹھی تے دُعا کرو تاں جو ازمائش ءچ نہ پوو۔“

2کُرِنتھِیوں 1:10

اُوں ساکُوں موت دے وڈے خطرے کنُوں بچائے تے بچیسی تے ساکُوں پُوری اُمید ہے جو او اگُوں تے وی بچیندا راہسی۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

1 پطرس 4:19

اِیں واسطے جیہڑے لوک خُدا دی مرضی دے مطابق ڈُکھ سہندے ہِن، او آپنڑے آپ کُوں آپنڑے وفادار خالق دے سپُرد کرݨ تے نیکی کریندے راہوݨ۔

1 یُوحنّا 1:9

پر جے اساں آپنڑے گُناہاں دا اِقرار کرُوں تاں او ساڈے گُناہ معاف کرݨ تے ساکُوں بُرائی کنُوں پاک کرݨ ءچ وفادار تے عادل ہے۔

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

عبرانیوں 11:11

اِیمان دی وجہ کنُوں ای سارہ حاملہ تھیوݨ دی طاقت پاتی بھانویں اُوندی بال جمنڑ دی عُمر گُزر گئی ہئی کیوں جو سارہ کُوں یقین ہا جو وعدہ کرݨ آلا وفادار ہے۔

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

لُوقا 11:4

تے ساڈے گُناہ معاف کر کیوں جو اساں وی آپنڑے ہر قصُوروار کُوں معاف کریندے ہیں تے ساکُوں ازمائش ءچ نہ پا‘۔“

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

مُکاشفہ 19:11

وَل مَیں اسمان کُوں کُھلیا ڈِٹھا تے میکُوں ہِک چِٹا گھوڑا نظر آیا جِیندا سوار وفادار تے سچا اکھویندے تے اِنصاف نال عدالت تے جنگ کریندے۔

لُوقا 16:26

تے اِنہاں گالھیں دے علاوہ ساڈے تے تُہاڈے وچال ہِک بہُوں وڈی کھائی ہے تاں جو جیہڑا کوئی اِتُھوں کنُوں تُہاڈے کولھ ونجنڑ چاہوے، نہ وَنج سگے تے نہ کوئی اُتھوں کنُوں ساڈے دو آ سگے۔‘

اعمال 27:44

تے باقی لکڑ دے پھٹیاں اُتے تے جہاز دیاں بنڑیاں چیزاں دی مدد نال آپنڑی جان بچاوݨ۔ بس اِیں طرحاں سارے دے سارے خشکی اُتے سلامت پُج گئے۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]