1کُرِنتھِیوں 1:23 - کِتاب مُقدّس سرائیکی ترجمہ

²³ پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

1کُرِنتھِیوں 1:23 Referans Kwoze

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

گلتِیوں 5:11

بِھراؤ! جے مَیں ہُنڑ تئیں ختنے دی تبلیغ کریندا ہاں تاں حالی تئیں کیوں ستایا ویندے ہاں؟ جے میں ایجھی تبلیغ کریندا تاں لوک صلیب دا پیغام سُنڑ تے تُھڈا نہ کھاندے۔

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

لُوقا 2:34

شمعون اُنہاں کیتے دُعائے خیر کیتی تے اُوندی ماء مریم کُوں آکھیا، ”ایہ بال اِسرائیل ءچ بہُوں سارے لوکاں دے ڈھاوݨ تے کھڑے تھیوݨ کیتے مقرر تھئے۔ او ایجھا نشان ہوسی جیندی مخالفت کیتی ویسی،

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

متّی 13:57

اُنہاں اُوندی وجہ کنُوں ٹھوکر کھادی۔ پر یسُوع اُنہاں کُوں آکھیا جو ”نبی دی بےقدری اُوندے آپنڑے وطن تے رشتے داراں دے سوا بِیا کِتھائیں نئیں تھیندی۔“

متّی 11:6

مُبارک ہے او جیہڑا میڈی وجہ کنُوں ٹھوکر نہ کھاوے۔“

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

1کُرِنتھِیوں 1:28

خُدا اِیں جہان دے ذلیل تے حقیر سمجھے ونجنڑ آلیاں کُوں بلکہ ناچیزاں کُوں چُنڑ گِھدا تاں جو اُنہاں چیزاں کُوں جیہڑیاں کُجھ سمجھیاں ویندیاں ہِن، فنا کرے۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

1کُرِنتھِیوں 4:10

اساں مسیح دی خاطر بیوقُوف بنڑ گئے ہیں، پر تُساں مسیح ءچ عقل مند ہیوے۔ اساں کمزور ہیں پر تُساں زور آور ہیوے۔ لوک تُہاڈی عزت کریندن پر ساڈی بے عزتی۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔