Îbranî 1:14 - کتاب مقدس به زبان کردی شیکاکی

¹⁴ ما اَو همو رِحِت خِذمَتکار نینِن گو بَر خاطره هِنده گو بُ وارِثه نجاته خِذمَته بِگَن، دِنَ رِگِرِن؟

Kurmanji Încîl

¹⁴ Ma hemû milyaket ne ruhên xizmetkar in ku ji bo xizmeta wan ên ku wê xilasiyê mîras bistînin hatine şandin?

Peymana Nû (Încîl)

¹⁴ Îdî milyakʼet çi ne? Ew hʼemû jî rʼuhʼêd berdestî ne, ku bona xizmetkʼarîya wan têne şandinê, yêd ku xilazbûnê wê war bin.

Пәймана Ну (Инщил)

¹⁴ Иди мьлйакʼәт чь нә? Әԝ һʼәму жи рʼӧһʼед бәрдәсти нә, кӧ бона хьзмәткʼарийа ԝан тенә шандьне, йед кӧ хьлазбуне ԝе ԝар бьн.

Îbranî 1:14 Referans Kwoze

Metta 18:10

«هیشیار بِن گو چی یگ ژه وان بِچوگانَ به قَدِر نَگَن، چون اَز بُ وَ دِبِژِم گو اَسمانی دا، میلیاکَتِت وان هَمِشَ رویه بابه مِن گو اَسمانی دایَ، دِبینِن.

شُله رسولا 27:23

چون گو هَ شَودی میلیاکَتَگه خدا اِرَ بَر مِن راوَستا. هَمَن اَو خدایه گو اَز یا وی مَ و اَوی پَرستِش دِگَم.

شُله رسولا 5:19

بله شَوه، میلیاکَتَگه خاده دَره زیندانه وَگِر و اَو اینانَ دَروَ

شُله رسولا 12:7

نِشگادا میلیاکَتَگه خاده رَخ پِطرُس راوَستا و نورَگه حُجرَ روناهی گِر. میلیاکَته هِنجِگَگ کِلَگا وی دا و گُت: «زو رابَ!» جیدا زنجیر ژه دَسته وی وَبون و کَتنَ سَر عَردی.

Lûqa 1:19

میلیاکَتی جیوابا وی دا: «اَز جبرائیلم گو حُضورا خدادا دِراوَستِم. نَهَ اَز هاتِمَ رِگِرِن گو گَل تَ قِسَ گَم و وی خَبَرا خوش بِدَمَ تَ.

Metta 1:20

بله وقته گو فِکره وان دِشدانَ دِگِر، میلیاکَتَگَ خاده خَوه دا خو نیشا وی دا و گُت: «اَی یوسف، اَی تِ گو ژه نَسلا داوود پاشایی، ژه ایناندِنا ژِنا خو مریم نَتِرسَ، چون اَو دِشدا گو ناو زِگه ویدایَ، ژه رِحا مُقدسا خدایَ.

Lûqa 16:22

ایجا، اَو مِرُوه فقیر و ژار مِر و میلیاکَتا اَو بِرِنَ لاره ابراهیم پِیغَمبَر. اَو مِرُوه دَولمَند ژی مِر و اَو چال گِرِن

شُله رسولا 12:23

هَ وه دَمه، میلیاکَتَگه خاده هیرودیسی دا، چون گو اَوی شُکوه و جلال نَدا خدا. تواوی بَدَنه وی گِرمی بو و مِر.

Lûqa 2:9

نِشگادا میلیاکَتَگ ژه آلیه خاده خو نیشا وان دا و شُکوه و جلالا خاده دُر تا دُرا وان روناهی گِر. شُوان گَلَک تِرسیان،

Lûqa 2:13

نِشگادا دَستَگَگه مَزِن ژه لَشگِرِت اَسمانی پَیدا بون و گَل وی میلیاکَتی سِتایِشا خدا دِگِرِن و دِگُتن:

Metta 2:13

پاشه چُیینا مَجوسیا، میلیاکَتَگَ خاده خَوه دا خو نیشا یوسف دا و گُت: «رابَ، بِچوگ و داییگا وی راگَ و بِحله بُ مصره و له وِدَره بِمینَ حَتا وقته گو بِژِمَ تَ، چون گو هیرودیس پاشا دوو پَیدا گِرِنا بِچوگیَ گو اَوی بِگُژیت.»

نامَ بُ تیتوس 3:7

گو اَم بِ لطفا وی صالِح بِنَ هَژمارتِن و گورَیَگی اُمیدا گو مَ ژیانا اَبَدی هَیَ، اَم بِبِنَ وَرَثَ.

Peyxam 5:6

و مِن نابَینا وه تَختی و وان چار مَخلوقه ساخ و ناو وان رِدین سِپیادا بَرخِگَگ دیت گو سَرپِیا راوَستا بو، وِسا گو مِرُو دِگُت هاته بو قُربانی گِرِن، اَوی هَفت شاخ و هَفت چاو هَبون گو هَفت رِحه خدا نَ گو همو جیه دُنیایه هاتنَ رِگِرِن.

Petrûs I 1:12

سَر وان آشگَرا بو گو اَوان نه بوخو بَلگو بُ وَ خِذمَت دِگِرِن، وقته گو راستا هِندَ دِشدا قِسَ دِگِرِن گو نَهَ اون راستا وان دِشدادا ژه اَونه گو وه خَبَرا خوش بُ وَ وَعظ دِگَن دا دِبیهیسِن. ژه اَونه گو بِ واسِطا رِحا مُقدسا خدا گو ژه اَسمانی هاتیَ رِگِرِن، اَو خَبَرا خوش بُ وَ وَعظ دِگَن. حتا میلیاکَتا ژی داخازیا دیتِنا وان دِشدانَ هَنَ.

Metta 25:34

پاشه پاشا دیه بِژیتَ اَونه گو آلیه وی یه راستِنَ: ”وَرِن، اَی اون اَونه گو وَ ژه آلیه بابه مِن بَرکت اِستاندیَ، پادشاهیا گو ژه دَستبه گِرِنا عالَمه بُ وَ حاضِر بویَ بِستینِن.

Cihûda 1:14

خَنوخ گو هَفت نَسلا پاشه آدم بو، هَ راستا وانَدا نَبوَت گِر و گُت: «بَرخودَنه، خاده گَل هزاران هزار مُقدسه خودا تِت،

Petrûs I 1:4

بُ میراثَگه گو نارِزِت، به لَکَیَ و ناچِلمِسیت گو بُ وَ ناو اَسمانی دا هاتیَ خُدان گِرِن؛

Îbranî 6:17

بَجا وقته گو خدا خاست عوض نَبونا آماجا خو بُ وارِثه وه وَعده آشگَراتِر نیشان دَت، بِ سونده اَو ضمانت گِر،

Selanîkî II, 1:7

و رِحَتیه بِدَتَ اون اَونه گو زَجره دِکِشِن و هَ وِسا ژی بِدَتَ مَ. اَو یگَ زَمانَگه دیه بِقَومیت گو عیسیْ خاده گَل میلیاکَته قاوَتَ خو ناو آگِرَگه گُردا ژه اَسمانی دووهار گَت.

Filîpî 2:25

مِن وِسا فِکِر گِر گو لازِمَ اَز اِپافْرودیتوس بِزُورینِمَ لاره وَ، اَوه گو آلیَگه دا بِرایه مِن، همکاره مِن، هملَشگِره مِن و آلیَگه دا ژی قاصد و خِذمَتکاره وَیَ گو بِگَهَشیتَ هَوجَییِت مِن.

Korîntî II, 9:12

چون گو گِرِنا وه خِذمَته نه تِنه هَوجَییِت وان مِرُوه گو ایمان مسیحْ هَنَ حاضِر دِگَت، بَلگو باعیث دِبیت گو گَلَک مِرُو ژی به حد شُکرا خدا بِگَن.

Romayî 15:27

چون گو اَوان هَز دِگِرِن وه شُله بِگَن و بَراستی ژی اَو مدیونه یهودیانَ. چون هَگو قَومه گو یهودی نینِن، ناو بَرکته روحانیَ یهودیادا بونَ شِریگ، وَظیفا وان ژی اَوَیَ گو ناو بَرکته مادّی دا بُ یهودیا خِذمَته بِگَن.

Romayî 15:16

گو خِذمَتکارَگه مسیحْ عیسیْ بِم بُ قَومه گو یهودی نینِن و خِذمَتا کهانتا انجیلا خدا بینمَ جی، گو وِسا قَومه گو یهودی نینِن، بِبِنَ دیاریَگه هاتی قَبول گِرِن بُ درگاها خدا گو بِ رِحا مُقدسا خدا تقدیس بونَ.

Romayî 13:6

چون گو بَر خاطره وه یگه اون باجه ژی دِدَن. چون گو حاکِمِت خُدان قُدرَت خِذمَتکاره خدانَ و هَ بُ وه یگه هاتنَ کِفش گِرِن.

شُله رسولا 13:2

وقته گو اَوان پَرستِشا خاده دِگِرِن و رُژی بون، رِحا مُقدسا خدا گُت: «برنابا و شائولی بُ مِن بُ وه شُلا گو مِن بَر خاطره وه گازی وان گِریَ، جُدا گَن.»

شُله رسولا 11:22

خَبَرا وه شُله گَهَشتَ گوهه کلیسایا گو شَهره اورشلیمه دا بو و اَوان برنابا رِگِرِنَ اَنطاکیه.

Lûqa 1:23

زکریا وقته دُرا خِذمَتا وی تواو بو، زُوِری مالا خو.

Metta 24:31

اَو دیه میلیاکَتِت خو بِ دَنگا بِلندَ زِرنایه رِگَت و اَو میلیاکَت دیه بِژارتیِت وی ژه چار قُنجه عالَمه، ژه سَرَگه اَسمانی حَتا سَره دی، دُرا یِگودو خِر گَن.

Metta 13:41

گوره انسان دیه میلیاکَتِت خو رِگَت و اَو هَچی دِشده گو باعیثه گُنَهه دِبِن و هَمژی تواوی مِرُوه شُل خِراب ژه ناو پادشاهیا ویدا دیه خِر گَن

Petrûs I 3:7

هَ وِسا ژی، گَلی مِرا، ناو ژیانا گَل ژِنه خودا بَرآورد بِن و حُرمَتا ژِنا خو خُدان گَن، وِسا گو مِرُو دِبِژیت اَو ژه آمانه نازِگِن، چون گو اَو گَل وَدا وارِثه لطفا ژیانه نَ، گو وِسا پِشیا دعایه وَ نَیِتَ گِرتِن.

یعقوب 2:5

اَی بِرایِت مِن یه عزیز، گوهه خو بِدَنَ مِن! ما خدا اَو مِرُوه گو وه دُنیایه دا فقیر و ژارِن نَبِژارت گو ایمانه دا دَولمَند بِن و بِبِنَ وَرَثه وه پادشاهیه، هَمَن اَو پادشاهیا گو خدا قَول دایَ اَونه گو هَژَ وی دِگَن؟

Îbranî 10:11

هر کاهینَگ، همو رُژه دِرابیت و هَمَن وان قُربانیه گو چه جارا نِگارِن گُنَها راگَن، سَریگ پِشکِش دِگَت.

Îbranî 8:6

بله مسیحْ خِذمَتَگ اینایَ دَست گو ژه خِذمَتا قدیم گَلَک سَرتِرَ، چون گو اَو واسِطَگَره عَهدَگه باشتِرَ. اَو عَهدا گو خیمه وه سَر وَعده باشتِر هاتیَ داناندِن.

Îbranî 6:12

گو اون به خیرَت نَبِن، بَلگو اون ژه وان مِرُوا دَرسه بِگِرِن گو بِ واسِطا ایمان و صَبره دِبِنَ وارِثه وَعدا.

Îbranî 5:9

و وقته گو کامِل بو، بُ تواوی اَونه گو ژه وی اطاعته دِگَن، بو کانیا نجاتا اَبَدی

Filîpî 2:17

حتا هَگو لازِم بیت گو خونا مِن، بینا شَرابا هاتی پِشکِش گِرِن سَر قُربانیا ایمانا وَ گو پِشکِش دِبیت، بِتَ رِژاندِن، اَز ژه وه شُله کَیف خوشِم و گَل وَ همویادا شادیه دِگَم.

Efesî 3:6

اَو سِرّ اَوَیَ گو، قَومه گو یهودی نینِن ناو مسیحْ عیسیْ دا بِ واسِطا انجیله ناو اِرثه دا شِریگِن، اَو اَندامه هَمَن وه بَدَنه نَ و شِریگه وَعدا خدانَ.

Galatî 3:29

هَگو اون یه مسیحِن، بَجا اون نَسلا ابراهیمِن و گورَیَگی وَعده اون وَرَثَنَ.

Galatî 3:9

بَجا اَونه گو پالا خو دِدَنَ ایمانه، گَل ابراهیمه خُدان ایمان دا بَرکته دِستینِن.

Galatî 3:7

بَجا وِنَ بِزانِن گو گوره ابراهیم اَوِن اَونه گو پالا خو دِدَنَ ایمانه.

Romayî 8:17

و هَگو اَم زارونَ، بَجا اَم وَرَثَنَ ژی، آنی اَم وَرَثه خدانَ و گَل مسیحْ میراثه دا شِریگِن، بِ وه شرطه گو اَم ژی گَل ویدا زَجره بِکِشِن گو اَم ژی گَل ویدا شُکوه و جلاله پَیدا گَن.

شُله رسولا 16:26

نِشگادا عَرد هَژیانَگه مَزِن هات، وِسا گو خیمه زیندانه هَژیا. جیدا دَر همو وَبون و زنجیره تواوی زیندانیا وَبون و کَتنَ سَر عَردی.

Metta 4:11

ایجا ابلیس اَو هِلا و چو و پاشه، میلیاکَت هاتِن و خِذمَتا ویدا بون.

Marqos 10:17

وقته عیسی ره کَت، مِرُوَگ بَزی هات و بَر عیسی کَتَ سَر چُکا و ژه وی پیسیار گِر: «ماموستایه قَنج، چه بِگَم گو بِبِمَ خُدانه ژیانا اَبَدی؟»

Romayî 11:14

گو جورَیَگه غیرته بِدَمَ یهودیا گو همنِژاده مِنِن و وِسا هِندَگ ژه وان نجات دَم.

Korîntî I, 1:21

چون گو گورَیَگی حکمتا خدا، دُنیایه نَگاری بِ واسِطا حکمته خدا ناس گَت، خدا وِسا مَصلِحَت دیت گو بِ واسِطا به عاقلیا اَو دِشدا گو اَم وَعظ دِگَن، نجاته بِدَتَ اَونه گو ایمانه تینِن.

Îbranî 2:3

بَجا اَمه چاون بِگارِن رِحه خُلاص گَن، هَگو اَم ژه نجاتَگه وِسا عَظیم غافل بِن؟ اَو نجاتَ اَوِل بِ واسِطا عیسیْ خاده هاتَ گُتن و پاشه وی بِ واسِطا اَونه گو اَو بیهیستِن بُ مَ ایثبات بو،

Îbranî 9:28

بَجا مسیحْ ژی پاشه هِنده گو جارَگه هاتَ قُربانی گِرِن گو گُنَهه گَلَک مِرُوا بِدَتَ بِشتا خو، بُ جارا دویه دیه دووهار بیت، نه بُ هِنده گو گُنَهه بِکِشیتَ بِشتا خو، بَلگو نجاته بِدَتَ اَونه گو بِ اشتیاقه چاورِیا وینَ.