HINI UWASI-BIADRCIMOWA ya-sfadoci MAFIYO 9:8 - Hini Uwasi-u-Biadrcimowa 1929

⁸ Pvyaqv nihki mahsa-lagiki iah namu-wrci ini, grwilv-waki, macimi u wvhfrci-makuwhr-wrli Mvnadoli, mviahci melrtv simakufewa ilanihi.

HINI UWASI-BIADRCIMOWA ya-sfadoci MAFIYO 9:8 Referans Kwoze

YASFADOCI LOKU 7:16

Macmi grwilvwawa u masanaku-nrwv jrivhki : chena u wvhfrci-makuwhr-wrli nihki Mvnadoli, Msi mrmosigesqatv pami pvfaqi alagenv gelvwv : chena naiahkv u nvuhvhi u ta lanvwa-mhi Mvnatu, iwvki.

HINI UWASI-BIADRCIMOWA ya-sfadoci MAFIYO 15:31

waciganvhi nihki mahsa-lagiki qv-qahdrni-tahaki, iah nawr-wrci nihi br-bur kvlv-wilici pami kvlv-wihi, nihi ma-myrlvkvtu-wilici mafafihi, chena nihi ma-myrlvgigr-dalici pamfahi, chena nihi gagabe-qalici tapinv-muhi : macimi nihki u wvhfrci-makuwhr-wrli nili u Mvnado-mvli Iswelv.

YASFADOCI LOKU 23:47

Chena inv kvpdenv iah namagi ya-silvwegi, u wvhfrci-makufihrli Mvnadoli, Svpkvhi yrmv tapvsvwi ilani iwv.

YASFADOCI LOKU 17:15

Chena nakuti nihki patagi hawv iah namagi yasi gegahofuci, gilagi ulrmih-simu u wvhfrci-maku-whrli Mvnadoli;

YA-SFADOCI MRKV 2:12

Macimi inv unskv, chena walanv u mvma ini tfvni, chena via wapfa ya-lvhfvme-wrci nihki jrivhki; waciganvhi jrivhki qvqahdrni-tahaki, macimi u wvhfr-ci-makuwhr-wrli Mvnadoli, Mvtv-lrqv ki namapa ini yagi yomv, iwvki.

YA-SFADOCI JRNE 15:8

Yone-tvsi wvhfrci-makufihofu n’ Uhfv, wvhsi gelvwv mrli negidoyaqa mvwifowa; macimi yone gah si kvgahgimrfe-malapwv.

YASFADOCI LOKU 13:13

Macimi usgici nili u tah bonrnv u laciwvli : macimi walanv inv pasiqvhkuca-hofu, chena u wvhfrci-makuwhrli Mvnadoli.

YA-SFADOCI MRKV 7:37

Chena vnhiwawi si cihsi-tahaki nihki, Uwasi inv mahci-lutv jrivhki wiahi; wvhsi tapahsa-lici u tas’ hvhi weginrqi nihi gagap-salici, chena nihi gagapitu-nalici wvhsi kvlvwilici, iwvki.

HINI UWASI-BIADRCIMOWA ya-sfadoci MAFIYO 28:18

Chena Jesise utfvhi nihi macimi u kvlo-lvhi, Jrivhgi simakufewa ni mahci mela-gopi betiga wafapvh-kvmigigi macimi usgi-drmqa.

HINI UWASI-BIADRCIMOWA ya-sfadoci MAFIYO 12:23

Macimi jrivhki nihki mahsalagiki qvqahdrni-tahaki, chena, Kvnhv yrmv nili u qihfvli Dapide? iwvki.

HINI UWASI-BIADRCIMOWA ya-sfadoci MAFIYO 5:16

Datapilvhi yone si welrni ki wvhfayrmwv netvwayaqa yalvhfvmewrci ilaneki; wvhsi manvwvhi nihki namuwrci k’ uwasi pakvtafewanwv, macimi wvhfrci-makufihaqa k’ Uhfwv wafapvh-kvmigigi ya-pitv.

HINI UWASI-BIADRCIMOWA ya-sfadoci MAFIYO 9:7

Chena inv unskv, macimi wapfa ya-drci wegiwv hawv.

YASFADOCI LOKU 2:20

Chena patagi haki nihki gahcitvwvhr-cki magefhi, u pami wvhfrci-makwhr-wrli macimi u wivwrchr-wrli Mvnadoli xvga ini wiahi jrivhki mviahci notvmu-wrci macimi namu-wrci, datapilv’ hinwili ya-lofu-wrci.

YASFADOCI LOKU 17:18

Hv mvtv nakuti mgofu nihki qa-taqetv wvhsi melrci wvhfrci-makufewa Mvnadoli, waciwaphi yrmv goqa-nafv? iwvpi.

YASFADOCI LOKU 18:43

Ma-cimi walanv inv utfaku u tapinvmowa, macimi u nakvlagoli, u wvhfrci-makufihrli Mvnadoli : macimi jrivhki nihki lanvwaki iah namuwrci ini, wivwrcimowa u melrwrli Mvnadoli.