HINI UWASI-BIADRCIMOWA ya-sfadoci MAFIYO 9:6 - Hini Uwasi-u-Biadrcimowa 1929

⁶ Wakv wvhsi gelvwv manvwvhi wrkutvmaqa yasi inv u Qihfvli ilani bonvgi simakufewa usgi-drmqa wvhsi pvgfa-latvgi mvjelafewanv (hina uwa nili ya-qilu-galici ini nanagifewa), Unsgrlu, macimi mvmahq gi tfvni, chena nhrla wegiwv ya-drivni, u talrli nili.

HINI UWASI-BIADRCIMOWA ya-sfadoci MAFIYO 9:6 Referans Kwoze

HINI UWASI-BIADRCIMOWA ya-sfadoci MAFIYO 9:5

Xvga drniwa ini vlikv wa-cihi, wvhsi, Gi mvjelafewanv pvgfa-ladota; walr tuga, Unsgrlu, macimi pamfalu, iugi?

YA-SFADOCI JRNE 17:2

datapilvhi yasi inv melvci gelv simakufewa wvhsi makufihtvgi jrivhki wivufi, wvhsi jrivhki nihi mviahci melvci, melrci goqalrqvsi lanvwawewa.

YA-SFADOCI JRNE 10:28

chena ni melrki goqa-lrqvsi lanvwawewa; chena mvtv-lrqvsi iv iqinvmoki, macimi mvtv wiyafv wah ni lacigi uci qvqvtanvhi nihi.

YASFADOCI LOKU 5:21

Macimi nihki yr-ivwi-gacki chena nihki Palaseki vlami mamagini-tahaki, Nafvwa yrmv ga-kvlvwitv pvhdrmowa? Nafvwa kvtvwi pvgfa-latvmv-wiwa mvjelafewanv, Mvnatu pvyaqv nrnsihkv? iwvki.

YA-SFADOCI MRKV 2:10

Pvyaqv wvhsi gelvwv manvwvhi wrkutv-maqa yasi inv u Qihfvli ilani bonvgi si-makufewa usgi-drmqa wvhsi pvgfa-latvgi mvjelafewanv (u tah kvlo-lrli nili ya-qilugalici ini nanagifewa),

YA-SFADOCI MRKV 2:7

Gociwa yrmv ilani vlvini si kvlvwi? pvhdrmu inv : nafvwa u kvtvwi pvgfa-ladrnv mvjelafe-wanv nakuti pvyaqv, Mvnatu inv? si tahaki.

HINI UWASI-BIADRCIMOWA ya-sfadoci MAFIYO 8:20

Macimi Jesise, Nihki wrkucahfeki u bonrnrwv wrsrlvku, chena nihki ini manqvtwi uci wisgiluhfvki u bonrnrwv ufihfvnv; wakv inv u Qihfvli ilani mvtv u bonv wvhtvh sagfadoci wesi, u talrli.

HINI UWASI-BIADRCIMOWA ya-sfadoci MAFIYO 4:24

Macimi ini u ta Irci-makufewa wapfaiv mafhega Ir Silia haiv : macimi nihki u biatvwr-wrli jrivhki ya-vhqilugalici, fvyoginakucki qvqatvgi si kvtunawa-nv macimi vhqilugawanv, la-kusgrkucki wvninahfihi, chena mr-mrtv-kusgrcki, chena na-nagificki; macimi u gegahvhi nihi.

HINI UWASI-BIADRCIMOWA ya-sfadoci MAFIYO 9:2

Macimi wrpvmahku, u biatvwrwrli nihki ilaneli vhqilugali ini nanagifewa, saxinoli tfvnagi : macimi u namvwvhi u dapwahsawa-nilici, Uqihfimv, uwasi-labwrlu; gi mvjelafewanv pvgfa-ladota, utalrli Jesise nili ya-vhqilugalici ini nanagifewa.

HINI UWASI-BIADRCIMOWA ya-sfadoci MAFIYO 9:7

Chena inv unskv, macimi wapfa ya-drci wegiwv hawv.

YA-SFADOCI JRNE 5:8

Hunsgrlu, mvmalu gi tfvni, macimi pamfalu, u talrli Jesise.

YA-SFADOCI JRNE 5:27

chena u melrli simakufewa wvhsi gicitvskvmalici mahtvh-kuwawa, xvga inv ilani u qihfvli.