HINI UWASI-BIADRCIMOWA ya-sfadoci MAFIYO 9:4 - Hini Uwasi-u-Biadrcimowa 1929

⁴ Macimi Jesise u wrkutvmvwvhi u tasi tahawa-nilici, Gociwa majrfigi ki tasi tahapwv iwv.

HINI UWASI-BIADRCIMOWA ya-sfadoci MAFIYO 9:4 Referans Kwoze

YASFADOCI LOKU 6:8

Pvyaqv inv u wrku-tvmv-wvhi u mamagini-tahawa-nilici; macimi, Pvfaqelu, chena ini alaghi si nepvwilu, u talrli nili ilaneli ba-bonv-malici vhkvpwi-lajawa. Macimi inv pvfaqi chena pami nepvwi.

HINI UWASI-BIADRCIMOWA ya-sfadoci MAFIYO 12:25

Macimi inv u wrkutv yasi tahawa-nilici, Jrgi si ugimrwewa pvhfahgrdeiv lekvtvh-kvmigifewa-nagi si biadota; chena jrgi udawa walr wegiwv pvhfah-grdeiv mvtv ivh nepvweiv, u talvhi :

YA-SFADOCI JRNE 16:30

Ni wrkudrqa uwa yasi gelv wrkutvmvni jrivhki wiahi, macimi bur vgrwrtvmvni wvhsi wiya-fv ilani nvtuhtvwahgi : yomv uci ni dapwahsapa yasi gelv Mvnatu uci birivni.

YASFADOCI LOKU 11:17

Pvyaqv inv, wrkutv-mwv u tasi tahawa-nilici, Jrgi ugimrwewa pvhfanadeiv lekvtvh-kvmigifewa-nagi si biadota; macimi wegiwv wegiwr-pagi si pvhfahkv rgicifaiv, utalvhi nihi.

YA-SFADOCI JRNE 16:19

Jesise u molalatv yasi nihki mrtvwi nvtuhtvwrwrci nili, macimi inv, Hv ki ne-nvtuhdwrtipwv alagenv gelvwv yomv si, ya-iuiv, Frbemahi chena gelvwv mvtv ki ta Irpvmipwv, macimi nuhgi Frbemahi, che-na gah nawipwv? u talvhi.

YA-SFADOCI JRNE 6:64

Pvyaqv vbeki ntvsi nrlatv gelvwv ba-bur dapwahsacki, u talvhi. Xvga Jesise u wrkumvhi ina wasgi uci siwiyafhi nihi ba-bur dapwahsalici, macimi siwiyafvli wvh masdruhakuci.

YA-SFADOCI JRNE 6:61

Pvyaqv bami wrkutvgi Jesise weyrgi yasi u kvgahgimrfhi pagihgrtv-malici yomv, Hv xvga yomv git panvlakunrwv wvhsi utvgikvhsina-yaqa? u talvhi.

YA-SFADOCI JRNE 21:17

Hinv ini mvwi-nfana, Svimvne, u qihfvli Jrne, hv git vhqalami? u talrli. Betv vhqitaha xvga inv ini mvwi-nfana, Hv git vhqalami? u talrli nili. Macimi inv, Dabalamiwatv, gi wrkutv gelv jrivhki wiahi; gi wrkutv yasi vhqalamalv, u talrli. Hvhsvmi ni magefvki, u talrli Jesise.

YASFADOCI LOKU 5:22

Pvyaqv Jesise u pami mola-latvmv-wvhi yasi tahawa-nilici, rpvfsa, Goeiwa ki mamagini-taha-pwv ki tahi-wrgi? u talvhi.

YA-SFADOCI MRKV 12:15

Hv nah meli-wapa, walr tagi nah meli-wapa? Pvyaqv welv, u pami wrkutvmv-wvhi u naluhci-lvwewa-nilici, Gociwa ki kutvh-kuwrsi-pwv? biatv-wiku tanalivs’ wvhsi namaiv ini u talvhi.

YA-SFADOCI MRKV 2:8

Macimi walanv Jesise pami mosi-taha u cvjrlvhkugi yasi nihi yone si mamagini-tahalici, Irmagi weyrwv, Gociwa ki ma-magina-ladr-nrwv yomv wiahi ki tahi-wrgi? u talvhi.

YASFADOCI LOKU 7:40

Chena Jesise pami rpvfsa, Svimvne, ni bonv takvwi wv hilalv gelv, u talrli. Macimi Kvlvwilu, Ga-gahgimiwa, u tairli inv.