HINI UWASI-BIADRCIMOWA ya-sfadoci MAFIYO 8:22 - Hini Uwasi-u-Biadrcimowa 1929

²² Pvyaqv Jesise, Nakvsilu; macimi nvkvsi nihki napagiki wvhsi lakunrwrci nahvlwrkv u nabowanwrli, u talrli nili.

HINI UWASI-BIADRCIMOWA ya-sfadoci MAFIYO 8:22 Referans Kwoze

YASFADOCI LOKU 15:32

Pvyaqv ini mvyrufanwi wvhsi usdoivqa gilvgifewa macimi uwasilabwrfe-ivqa : xvga yrmv gi janinv napwv, macimi nuhgi lanvwawi; chena wrni, macimi mgofu, u talrli inv.

YA-SFADOCI JRNE 1:43

Ini wvyrpvgi Galalegi wvhsi hrci si taha, macimi u mkv-wrii Filvbeli : chena nakvsilu u talrli Jesise.

HINI UWASI-BIADRCIMOWA ya-sfadoci MAFIYO 9:9

Chena yasi ini uci pamfaci Jesise, u nawrli ilaneli, Ma-fiyo yr-lofoli, bamvhga-pilici yr-tvh mrwvtuno-dagi taphi-gawa : macimi Nakvsilu, u talrli. Macimi inv pvfaqi chena u nakv-lrli.

HINI UWASI-BIADRCIMOWA ya-sfadoci MAFIYO 8:21

Chena kutvkv nuhgi nihki uci kvgahgimrfvki Dabalamiwatv, welrni la-lamilu wvhsi nhihtv nhriv macimi lakunvgi n’ uhfv, u talrli.

YA-SFADOCI MRKV 2:14

Chena yasi mrlrqvhi pamfaci u nawrli Lefryeli nili u qihfvli Adfivs’ bami lamvtv-pilici yr-tv hini daxhiwagi, macimi Nakvsilu, u talrli. Chena inv pvfaqi macimi u nakvlrli.

YASFADOCI LOKU 9:59

Chena kutvkvli nuhgi, Nakvsilu u talrli. Pvyaqv, Dabalamiwatv, welrni la-lamilu wvhsi nhihtv nhriv macimi lakunvgi n’uhfv, isiwa inv.

YASFADOCI LOKU 9:60

Pvyaqv, Nvkvsi nihki na-pagiki wvhsi lakunr-wrci nahvlwrkv u nabo-mwvhi; wakv gelv nhrla macimi lfwrcimulu mafhega ini ugimrwi-drmkumi Mvnatu, u talrli nili.

YASFADOCI LOKU 15:24

xvga ni qihfv yrmv napwv, macimi nuhgi lanvwawi; wrni, macimi mgofu, u talvhi ut vlolrkvnhi. Ma-cimi nihki vlami gilvgifeki.

YA-SFADOCI JRNE 21:19

Huwa yomv inv kvlvwi, giginodrcimu wv higi iqinvmowa wih wvhfrci-makufihrci Mvnadoli. Macimi ina inv iah mahci kvivwici yomv, Nakvsilu, u talrli nili.

YA-SFADOCI JRNE 21:22

Qahqi nelv si tahaiv wvhsi inv nvkvhsigi brluhi biriv, nahiwa ini gelv si? nakvslu gelv, u talrli Jesise.