HINI UWASI-BIADRCIMOWA ya-sfadoci MAFIYO 8:20 - Hini Uwasi-u-Biadrcimowa 1929

²⁰ Macimi Jesise, Nihki wrkucahfeki u bonrnrwv wrsrlvku, chena nihki ini manqvtwi uci wisgiluhfvki u bonrnrwv ufihfvnv; wakv inv u Qihfvli ilani mvtv u bonv wvhtvh sagfadoci wesi, u talrli.

HINI UWASI-BIADRCIMOWA ya-sfadoci MAFIYO 8:20 Referans Kwoze

YASFADOCI LOKU 2:7

Macimi u bialrli wasgi negilici u qihfvli; macimi u tatapvh-pilrli tatapv-pifowanv, chena u tah saximrli maginwhaki yr-tvh ’svmaci, xvga mvtv tvwrli ini gigahsewi-grnagi.

YASFADOCI LOKU 2:16

Macimi wawatapi biaki, macimi u mkvwr-wvhi nayeswi Maleli chena Joseli, chena nili vpaluhfafvli bami saxinalici yr-tvh ’svmaci maginwhaki.

YASFADOCI LOKU 2:12

Macimi vlv-yomv ini giginolowa-niku : Ga mkvwrwv vpaluhfafv tatapvh-pifu tatapvh-pifowanv, macimi bami saxigi maginwhaki yr-tvh ’svmaci, u talvhi.

YASFADOCI LOKU 8:3

chena Joanv nili wewvli Kusrse u nosrcikvnvli Halade, chena Sosyanv, chena maci kutvkvki, nihgeni u wiahe-mwv uci gisrcihr-wvhi nihi.

HINI UWASI-BIADRCIMOWA ya-sfadoci MAFIYO 12:32

Chena goqa-nafv-grci wa pipahcimrli kvlvwewa nili u Qihfvli ilani, ini wah pvgfa-latvmrqi inv; wakv goqa-nafv-grci wa pipahcimrli nili Ufapi Ucvjrlvhqvli, mvtv ini ivh pvgfa-latvmrqi inv, nayeswalanv mvtv utvsi ya-lakuqvh-kvmigigi macimi ini betiga wrsv biayrgi.

HINI UWASI-BIADRCIMOWA ya-sfadoci MAFIYO 19:28

Macimi Jesise, Tapilo gi tala-pwv nelv, gelvwv naiahkv na-nakvsi-yaqa, mi lrpi-lanvwawewa-nagi ina inv u Qihfvli ilani wa ipvpi ini u wvhfrci-makufewa uci ugimrwi-vhpvbewa, nahfrpi gelvwv ga ipvpi-nrwv matvhfwi-gita-neswi ugimrwi-vhpvbewanv, pamvh-kuwrlr-wrki nihki matvhfwi-gita-neswi u dwalo-wanhi Iswelv, u talvhi.

HINI UWASI-BIADRCIMOWA ya-sfadoci MAFIYO 17:9

Chena yasi pami biaci brlvcsinu-wrci ini maqvhgigi uci, Jesise u tapimvhi nihi, Tagi ini sinvmowa wetvmv-wahku ilani, brluhi inv u Qihfvli ilani nili na-palici uci unsgrta, u talvhi.

HINI UWASI-BIADRCIMOWA ya-sfadoci MAFIYO 16:27

Xvga inv u Qihfvli ilani wah biawv ini u wvhfrci-makufewa-nilici u’Fvli gilagi lit ancvle-mhi; macimi ina uwa wah tapvsvwi me-lrli jrgi si ilaneli yasi Ivwewa-nilici.

HINI UWASI-BIADRCIMOWA ya-sfadoci MAFIYO 16:13

Huwa ini Sisvlia Filibri iah si birci Jesise, u nvtuhtv-wvhi u kvgahgimrfhi, Nafvliwa inv iwvki ilaneki nili u Qihfvli ilani? u talvhi.

HINI UWASI-BIADRCIMOWA ya-sfadoci MAFIYO 12:40

xvga yasi Jonv nfwi gesqa macimi nfwi tapuqa vpici u pah-qvdrgi inv msi nvmahfilahf i; yone wah si inv u Qihfvli ilani vpici nfwi gesqa macimi nfwi tapuqa ini u tahigi inv vsisgi-drmqa.

HINI UWASI-BIADRCIMOWA ya-sfadoci MAFIYO 12:8

Xvga inv u Qihfvli ilani Dabalatvkv ini vlwrkvhsi-grsagigi.

HINI UWASI-BIADRCIMOWA ya-sfadoci MAFIYO 13:37

Macimi rpvfsa, chena, Inv ya-vhdotv ini uwasi menkv u Qihfvli ilani inv;

YA-SFADOCI MRKV 8:38

Xvga goqa-nafv-grci nah taqa-haqv macimi ni kvlvwewa-nv alagenvc yomv wa-wrpvsiphiga-wafe-yrgi chena majelafe-yrgi sqe-lanvwawewa, nileni inv u Qihfvli ilani wah taqa-hrli ina birta ini u Fvli u wvhfrci-makufewa-nagi gilagi nihi ufapi ancvlihi.

YASFADOCI LOKU 9:58

Macimi Jesise, Nihki wrkucahfeki u bonr-nrwv wrsrlvku, chena nihki manqvtwi uci wisgiluhfvki u bonr-nrwv ufihfv-nwv; wakv inv u Qihfvli ilani mvtv u bonv wvh tvh sagfadoci wesi, u talrli nili.

YASFADOCI LOKU 12:8

Chena gi talapwv nelv, jrgi wiyafv nah muhgrci tabrci rcimaqv ya-lvhfvme-wrci ilaneki, nileni inv u Qihfvli ilani nah-frpi wah muhgrci tabrci rcimrli ya-lvhfvme-lici nihi ut ancvlemhi Mvnatu.

YASFADOCI LOKU 18:8

Gi talapwv nelv, inv wah qvqi vlutvwvhi nihi. Pvyaqv, ina inv u Qihfvli ilani birta, hv wa mkv dapwah-sawa ini usgi-drmkugi?

YASFADOCI LOKU 21:36

Wakv gcitvwrpvtv-muku jrgi bami Irqawanigi, usdoku nvnvhbrcigamowa, wvhsi manvwvhi gelvwv kvtvwasitv-maqa yolumv jrivhki wiahi wvh biamikvki, macimi wvhsi nepvwi-yaqa yalvhfvmeci inv u Qihfvli ilani, hvvpi.

YA-SFADOCI JRNE 1:51

Chena Tapilo, tapilo, gi tala nelv, Gah namanrwv ini manqvtwi wah tvwaskv, macimi nihi ut ancvle-mhi Mvnatu bami vgofiwalici chena bami lrsiwalici usgici nili u Qihfvli Ilani, u talrli.

YA-SFADOCI JRNE 3:13

Chena mvtv wiyafv manqvtugi mah’ lrfiwa, i-nv wakv mankvtugi waci lrsiwatv, data-pilvhi nili u Qihfvli ilani, yapitv mankvtugi.

YA-SFADOCI JRNE 3:14

Chena yasi Mosise nemvtwhrci nili mvnadoli ini Ir belasgi, yone datapilvhi qelvhi inv u Qihfvli ilani si nemvdhofuci;

YA-SFADOCI JRNE 6:27

Tagi pakvtafihtvmuku ini wihfanewa ya-ivsagi, ini wakv wihfanewa ya-vhdagi goqa-lrqvsi lanvwa-wewa-nagi si, ini inv u Qihfvli ilani wvh melalwrqa : xvga nileni inv Ufimv, datapilvhi Mvnatu, u mahci pashvlwamrli, isiwa.

YA-SFADOCI JRNE 6:53

Waciganvhi Jesise, Tapilo, tapilo, gi talapwv nelv, Waciwaphi meciyaka ini u wivufami inv u Qihfvli ilani macimi manayaqa u mskumi, mvtv ki bonrnrwv lanvwawewa geyrwrgi, u talvhi.

YA-SFADOCI JRNE 6:62

Nahiwa uwa qahqi gelvwv ki hilrpvmrwv inv u Qihfvli ilani pami spamagi hrta tv hvpici iahgi?

YA-SFADOCI JRNE 12:34

Hinv mahsalakv waciganvhi ud rpvftvwrli nili, Ni mahci ini kutaladewa uci nodrpa wvhsi inv Klvisde vpici goqa-lrqvsi : macimi nahiwa gi tasi iu gelv, Inv u Qihfvli ilani qelvhi wa kuqi-tanofu? nafvwa yrmv u Qihfvli ilani?

YA-SFADOCI JRNE 13:31

Hina waciganv’ hinv iah luhfrci, Jesise, Huwa inv u Qihfvli ilani wvhfrci-makufihofu, macimi Mvnatu wvhfrci-maku-fihofu u weyrwilici nili, iwv;