HINI UWASI-BIADRCIMOWA ya-sfadoci MAFIYO 7:21 - Hini Uwasi-u-Biadrcimowa 1929

²¹ Mvtv jrgi wiyafv, Dabalamiwatv, Dabalamiwatv, ya-sitv wah becfa ini wafapvh-kvmigigi ugimrwi-drmqa; hinv wakv yasi lvwetv ini u tasi tahawa n’ Uhfv yapitv wafapvh-kvmigigi.

HINI UWASI-BIADRCIMOWA ya-sfadoci MAFIYO 7:21 Referans Kwoze

YASFADOCI LOKU 6:46

Chena gociwa, Dabalamiwatv, Dabalamiwatv, ki tasi-pwv, chena mvtv ki tasi lvwe-pwv nili wiahi nelv ya-iuiv?

YASFADOCI LOKU 11:28

Pvyaqv, Hvnkv grjekv, gisrciweki nihki na-notvgiki ini u kvlvwewa Mvnatu macimi u gjetunr-nrwv ini, isiwa.

YA-SFADOCI JRNE 6:40

Xvga yomv ini u tasi tahawa n’Uhfv, wvhsi jrgi wiyafv ya-lrpvmrtv nili Uqihfimrli, macimi dapwahsa nili, wih bonvgi goqa-lrqvsi lanvwawewa; macimi nelv na hunsgrnv inv tv hini jaiahqi gesagigi.

HINI UWASI-BIADRCIMOWA ya-sfadoci MAFIYO 12:50

Xvga goqa-nafv-grci wa hini silvwi u tasi tahawa n’ Uhfv ya-pitv wafapvh-kvmigigi, hinv ni janinv, chena nit iqamv, macimi ni giv, iwv.

YA-SFADOCI JRNE 3:5

Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu.

HINI UWASI-BIADRCIMOWA ya-sfadoci MAFIYO 18:3

chena, Tapilo gi tala-pwv nelv, Waciwaphi gelvwv kutaqe-yaqa, macimi ilafi-yaqa brsi vpaluhfafvki, mvtv gelvwv gah wiahisi becfr-pwv ini wafapvh-kvmigigi ugi-mrwi-drmqa, isiwa inv.

YA-SFADOCI JRNE 7:17

Qahqi ilani si tahata wvhsi u tasi tahawa-nilici si lvweci, wa hinv wrkutv ini kvgahgimiwawa, qahqi tuga ini Mvnatu uci, walr tuga ni kvlvwi pasiqi nelv uci.

YA-SFADOCI MRKV 3:35

Xvga goqa-nafv-grci wah si Ivwi ini u tasi tahawa Mvnatu, henv inv ni janinv, chena nit iqamv, chena ni giv, iwv.

HINI UWASI-BIADRCIMOWA ya-sfadoci MAFIYO 25:21

G’uwasi Ivwi cahi, uwasi macimi tapvsvwi vlolrgrfv : gi mahci tapvsvwafi lrkufwe-mahi wiahi, maci wiahi gah tvlwvh-fala nelv : becfrlu gelv ini uwasi-labwrwa-nagi dabala-mahkv, u tagoli dabalama-kuci.

YASFADOCI LOKU 13:25

Hvianwi balaku pvfaqeta inv ini wegiwr-pagi uci mastala, macimi mahci giphvga ini sqrdagi, chena gelvwv ga hvlami nepvwi-pwv frgici, macimi detuwvthr-nrwv ini sqrta, Dabalamiwatv, tvwanvmvwi-nrga, ga hisiwapwv; chena inv wa hrpvf sa, Mvtv gi wrkumala-pwv waciwi-yaqa ga hikuwv;

YASFADOCI LOKU 18:25

Xvga ini vlikv wacihi wvhsi gamvli becfrci srpwi u sgesaqi srpunikv, notv pvwawi ’lani wvhsi befvtvgi ini ugimrwi-drmkumi Mvnatu, iwvpi.

YA-SFADOCI MRKV 9:47

Chena qahqi gi sgesaqi wvhsi utvgikvhsi-nvni ipanvlaku-ivna, luhfa-pvgitvnu ini : uwasv ini gelv wvhsi becfr-ivni ini ugimrwi-dr-mkumi Mvnatu nakuti u sgesaku-wivna, notv grjekv pami bonv-mvna neswi usgesaku vhqi-nvmowa-nagi wv ipvgido-daki;

HINI UWASI-BIADRCIMOWA ya-sfadoci MAFIYO 19:24

Chena gi tala-pwv nuhgi, Vlikv wacihi ini wahsi srbweci gamvli tv husgesaku-wigi srpunikv, notv pvwawi ’lani wvhsi becfrci ini ugimrwi-drmku-mi Mvnatu.

HINI UWASI-BIADRCIMOWA ya-sfadoci MAFIYO 18:35

Yone nahfrpi wa ipanvlal-wrqa gelvwv wafapvh-kvmigigi n’Uhfv, bur pvgfa-latvmv-waqa jrgi wiyafv u janinrli ki tahi-wrki uci.

YA-SFADOCI JRNE 15:23

Inv sa-segalamitv nahfrpi u segalamrli n’ Uhfvli.

HINI UWASI-BIADRCIMOWA ya-sfadoci MAFIYO 26:42

Nuhgi mvwi-nesana wapfa, chena mvmrtuma, N’Uhfahi, qahqi yomv bur kvtvwi pamfa-yrga, waciwaphi nelv manaiv, gi tasi tahawa wa hisi lvwepi, iwv.

HINI UWASI-BIADRCIMOWA ya-sfadoci MAFIYO 16:17

Chena Jesise rpvfsa, Gi gisrtafi gelv, Svimvn’ Br-Jonv : xvga mvtv wivufi macimi msqi gi mahci pvhginv-mrku ini, n’Uhfv wakv ya-pitv wafapvh-kvnigigi.

YA-SFADOCI JRNE 14:7

Qahqi gelvwv naiahkv wrkumiyaqa nelv, naiahkv kih wrkumrwv n’ Uhfv nahfrpi : yoci inugi ki wrkumrwv inv, macimi ki mahci nawrwv.

YA-SFADOCI JRNE 5:17

Pvyaqv nihi ud rpvftvwvhi Jesise, N’Uhfv pakvtafi datapilvhi brlu’ hinugi, macimi nelv ni pakvtafi, u talvhi.

HINI UWASI-BIADRCIMOWA ya-sfadoci MAFIYO 26:39

Chena vlikv si wapfa takvwihi, macimi mrsi ulamqi pvxinwv wadrbaci, chena mvmrtuma, N’Uhfahi, qahqi kvtvwi ini-ga, welrni yrmv taphikv pamfata neyrgi uci : pvyaqv, mvtv yasi tahaiv nelv, wakv gelv yasi taha-ivni, iwv.

HINI UWASI-BIADRCIMOWA ya-sfadoci MAFIYO 18:10

Wrpvtv-muku wvhsi bur gelvwv segala-maqa nakuti iuhkumv ma-cilofi-ciki : xvga gi tala-pwv nelv, nihki ut ancvle-mwvhi betiga wafapvh-kvmigigi svpkvhi mosvtvwi u talrpvtv-mrkuhi u talrbawa n’Uhfv ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 18:19

Gi tala-pwv nuhgi, qahqi neswi gelvwv wah tvqrci-moki usgi-drmqa wiahi wvh’ nvtutvmu-wrci, ini wa ipanvtv-wrci n’Uhfv ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 25:10

Chena ia haiah’ wapfa-wrci nihki wvhsi tapa-niga-wrci, inv mvivgi nhrkvnv biawv; macimi nihki mviahci nvnv-hecki u tah weclamr-wrli nili ini wechadewi wihfancigawa-nagi : macimi ini sqrta gibhota.